Pemujur BN ba DUN Meradong, Repok patut ditandu ungkup sitak Sarikei
BINTANGOR: Pemujur Barisan Nasional (BN) ngambi baru penuduk Kunsil Nengeri (DUN) Meradong enggau Repok ari pegai parti penyakal maya Pengawa Bepilih Nengeri (PRN) sebedau tu ti bepun ari sukung rayat patut ditandu baru maya Pengawa Bepilih Besai Ke-14 (PRU14) ngambika Parlimen Sarikei bela dipegai BN.
Seiku ari chalun ke diasi Parti Sa’ati Rayat Sarawak (SUPP) bediri ba Parlimen Sarikei iya nya Teng Ung Woo madah, pemujur nya ila deka nambahka agi program pemansang ba parlimen tu kelimpah disaup Kaban Kunsil Nengeri (ADUN) Meradong enggau Repok.
“Rayat empu bela meda, sepengudah Parlimen Sarikei dipegai parti penyakal, Parlimen tu nadai berinsur tauka berubah ari suba.
“Nya alai, ngambika pemansang ditu mujur agi ditumbuhka, DUN Meradong enggau DUN Repok begunaka seiku agi pengari rayat ba Parlimen Sarikei,” pia ku iya madah maya ba sebengkah pengerami di Bintangor, empai lama tu tadi.
Ketegal nya, iya andal amat rayat ba parlimen tu nyukung BN baka sida ke nyukung chalun BN maya PRN sebedau tu.
Iya madah, sukung rayat beguna amat dikena mansi pengerugi lima taun sekumbang ke dipegai penyakal.
“Kitai minta rayat anang limpang ari BN diumbaka BN endang megai nengeri tu lalu kitai ditu anang ke bukai ngambika enda tinggal ari orang bukai.
“Pemujur tu ila deka nentuka baka ni pemansang ulih ditumbuhka ba ditu enti dibida enggau sebedau tu,” ku iya madah baru.
Berebak enggau tu, Teng mega madahka sekumbang DUN Meradong dipegai BN, ADUN dia iya nya Datuk Ding Kuong Hiing bebendar ngaduka pemansang rayat laban rayat ditu udah rugi 15 taun ditinggalka pemansang ketegal dipegai penyakal.
Ku iya, ari pemayuh ungkup ba Program Transformasi Menua Pesisir (RTP) iya nya RM5 juta setaun tau bendar ngaga mayuh macham pemansang ti ngelantangka agi pengidup rayat ditu.
“Diatu, kitai benasit amat laban DUN Meradong bisi pengari rayat baka Ding ti mupuk ngaduka pemansang ditu nyengkaum berandau enggau opis sereta ejensi ti bekaul.
“Pengawa ke sebaka mega deka digaga udah PRU14 ila nyema Parlimen Sarikei dipegai BN,” ku iya madah baru.
Ba pekara bekaul, kelimpah ari Teng, SUPP mega diberitaka bisi beberapa iku agi manuk sabung sida deka ngelaban parti penyakal ba Parlimen Sarikei maya