Sistem tali karan enda likun entara kebuah kes angus
Tali karan patut diaduka orang ti landik dalam bidang nya
KUCHING: Pemuntan ngaduka sistem tali karan enggau manah ba rumah entara kebuah ngujungka kes angus nyadi.
Ukai semina bekaul enggau pendiau begunan tauka premis aja, tu mega nyengkaum rumah genturung pendiau ke ngena sistem kuasa karan.
Nitihku Kaban Parlimen Santubong ke mega Menteri Pengeraja Asal enggau Rampa Menua Datuk Seri Dr Wan Junaidi Tuanku Jaafar, tali karan patut diaduka orang ti landik dalam bidang nya.
“Enti deka masang kediri empu amat muntang tang kitai patut nemu, iya deka nyadi penanggul besai dudi hari ila nyema iya salah pasang. Nya alai, anang main-main enggau pekara tu.
“Tu nyengkaum meli perengka elektrik baka wayar, ‘connector’ tauka ‘adapter’ murah, RM2 tauka RM3 ba kedai perengka barang
Enti deka masang kediri empu amat muntang tang kitai patut nemu, iya deka nyadi penanggul besai dudi hari ila nyema iya salah pasang. Nya alai, anang main-main enggau pekara tu. Datuk Seri Dr Wan Junaidi Tuanku Jaafar Menteri Pengeraja Asal enggau Rampa Menua
murah, kekadang tu mega ulih ngujungka penusah enda disadang.
“Enti iya salah pasang orang kurang pengelandik, iya tentu ulih ngujungka kuasa karan diguna ngelui ari patut lalu nya deka ngenataika penusah angus,” ku iya.
Iya madah munyi nya lebuh dirandau pemberita pengudah nyuaka bantu belanja ngagai enam iku sida ke tasah angus apin lama ke udah ba ba Kampung Muara Tebas, ditu, kemari.
Kenu ku iya mega, mensia mayuh mega ditangkan anang ngena perengka elektrik sereta laban nya ulih ngujungka tikas kuasa karan kelalu tinggi diguna ba rumah.
“Kitai bela nemu sebuah rumah tentu mayuh bekenaka perengka elektrik baka peti ais, kendi elektrik, periuk asi elektrik, televisyen, kipas enggau ke bukai.
“Anang sereta nguna perengka elektrik nya laban ulih ngujungka karan sut,” ku iya.
Dulu ari nya, Wan Junaidi limpang ngabas tembawai angus lalu berandau enda lama pasal pekara ke patut digaga dikena mantu sida ke tasah angus.
Berebak enggau nya iya bisi nyuaka pemeri belanja ngagai enam iku sida ke tasah angus kena pukul 3.40 lemai, 1 Julai tu tadi.