Nembiak ketiga ti kena virus rabies nadai belinsur gerai
Bala lutur enggau staf SGH diatu benung bebendar nyelamatka nyawa nembiak nya
KUCHING: Seiku agi nembiak indu beumur 7 taun ti kena rampit virus rabies mengkang nadai ngayanka tanda berinsur manah.
Menteri Orang Indu, Ruang Bilik enggau Pemansang Komuniti Datuk Rohani Karim madah bala lutur enggau staf di Sepital Besai Sarawak ( SGH) diatu benung bebendar nyelamatka nyawa nembiak nya.
“Iya nadai mandangka tanda belinsur manah tajapan udah seminggu diperubat ba Unit Sakit Raya ( ICU) di SGH.
“Kitai meseti meri sukung ngagai sida sebilik ngambika kering napi sebarang pekara ke tau nyadi udah tu.
“Semua pengawa ke patut udah diadu lalu diatu kitai bela besampika pengerai nembiak nya,” ku iya.
Rohani mansutka jaku nya ngagai pemberita pengudah ngelawa mansa sereta betemu enggau apai indai iya di ICU SGH ditu, kemari.
Rohani ngelalau mensia mayuh ke bisi kena ketup jelu ke dipelaba dirampit virus rabies nganjung diri berubat ngagai klinik enggau lengkas.
Bekau ketup nya ku iya
Semua pengawa ke patut udah diadu lalu diatu kitai bela besampika pengerai nembiak nya. Datuk Rohani Karim Menteri Orang Indu, Ruang Bilik enggau Pemansang Komuniti
patut dibasu enggau ai sereta sabun ngambika virus nya enda ngelekai ba dalam tubuh.
“Kelimpah ari nya, apai indai patut nentuka bala anak sida enda bemain enggau ukui tauka mayau ketegal kitai enda nemu sekalika jelu nya bisi mai virus rabies tauka enda.
“Bala anak mega patut diajar ngambika enda ngachau jelu nyengkaum jelu tupi ngambi ulih nyeliah sida ari kena ketup,” ku iya
Rohani ke mega Kaban Parlimen Batang Lupar madah memo deka dianjung ngagai taska sereta sekula primari kelebih agi di Serian ngambika bala pengajar ulih bela besaup ngintu penge- lekai virus rabies.
Ngelansa pekara ke sama, Rohani madah seiku seiku agi nembiak indu ari Serian udah dipasuk ba SGH ketegal bisi mandangka tanda dirampit virus rabies.
Sepital ku Rohani mengkang nganti pemutus peresa darah sebedau iya tau disah nyadi nembiak keempat virus nya.
Ba minggu tu tadi, dua iku diri menyadi ke beumur 4 enggau 6 taun ari Kampung Paun Rimu Bakong udah ngapuska seput ketegal virus rabies.