Randau Autonomi enggau Putrajaya nadai kaul enggau raban ke London

KUCHING: Randau Autonomi enggau Putrajaya nadai kaul enggau utai ke nyadi di Sarawak diatu.

Menteri ba Opis Menteri Besai Dato Sri Nancy Shukri madah Sarawak bisi hak ngiga sereta mansik silik sejarah Sarawak, ukai deka ngachau pemerat ke deka digaga Sarawak.

“Kitai patut beratika dua pekara, ba Putrajaya (aku entara orang ke sama bechairmanka komiti pasal autonomi tu begulai enggau Menteri Menua Luar, iya nya Dato Sri Anifah Aman), kami tu komiti dipilih lalu diarika raban ari Sarawak enggau Sabah.

“Baka raban pemesai ari Sarawak ke deka ngejang ke London mansik pasal Sempekat Malaysia 1963 ( MA63) betuaika Menteri Muda Undang-undang, Kaul Sarawak enggau Perintah Besai enggau Matau Projek, Sharifah Hasidah Sayeed Aman Ghazali, sida iya deka meda ni bagi pemerat hak Sarawak enggau Sabah ke udah lenyau, ari autonomi tauka MA1963, nya ke be- nung dipansik,” ku iya.

Nancy madah munyi nya ngagai pemberita ba pengerami Nerima Pengabang Hari Raya Aidilfitri diatur iya ba Begunan Kunsil Nengeri (DU) Lama ditu, kemari.

Ngelansa pasal raban ari Sarawak ke deka dianjung ke London (United Kingdom), belanja ke dikena nya dipadah kelalu besai, tang timbal Nancy, nya hak Sarawak, ku iya.

“Ambika chunto, Sarawak bisi pemadah ari London nya ila, iya nya seiti ari pekara ke ulih mantu Sarawak, lalu nyangka ari pemadah nya bisi pekara ke ulih mantu Sarawak, lalu nyangka ari pemadah nya deka mai asil ke mayuh agi.

“Nyangka Sarawak madahka ari pansik nya ila, iya ulih mantu Sarawak pemerat ke patut diambi pulai ari Perintah Besai,” ku iya.

Nya alai ku iya, kitai enda ulih beratika pekara nya ari sukut wang aja, tang peratika ari sejarah. Enti kelia, engka orang nanya nama kebuah enda bejuraika pekara nya ari suba, ari mansik baru ari sejarah kitai.

“Lebuh nya, Sabah, Sarawak enggau serata menua Malaysia, pemerat kitai ba pemerat bukai, kitai betatika peyerakup, beratika diri dipegai British, pemerat kitai suba enda sebaka enggau pemerat diatu.

“Pengawa ke digaga kitai, iya nya pemujur ari asil kitai ke ngatika diri, tang baru diatu kitai deka nemu enggau silik agi.

“Sarawak ngasaika sida iya deka mansik sejarah enggau silik agi…Enda ngawa laban pengawa nya nadai empas ngagai Kuala Lumpur.

“Ambika chunto, enti Sarawak bisi tetemuka pemerat, bai meh pekara nya ngagai raban komiti teknikal Sabah enggau Sarawak ngambi pekara nya ulih diperunding enggau Perintah Besai,” ku iya seraya madahka Perintah Besai betuaika Menteri Besai Datuk Seri Najib Tun Razak nyukung pengawa ke digaga Sarawak, lalu pekara tu enda ibuh dikelikuh.

Ba pekara bekait enggau nuklear ku iya, Nancy ti mega nyadi chairman, madahka ngepunka nuklear di Malaysia seiti pejalai ke agi jauh, taja pan kitai nagit 2030.

“Nya pan tagit nya ukai enda tau enda digaga 2030, semina kediatu, pekara bekait enggau nuklear patut dipajakka.

“Enti kitai enda majakka komunikasi kuasa nuklear, orang kitai deka seruran berasai takut, kitai pan nadai tuju, enda nemu bakani deka ngemutarka kuasa nuklear.

“Enti nitih, kami semina nyendiaka diri empu aja. Di Malaysia tu, ari sukut solar nya sigi enda chukup, kuasa ulih digaga baru nyangka enda chukup, lalu nyangka Sarawak agi bisi peluang tang ukai di semenanjung.

“Nya alai nyadi sebuah perintah menua ke ngembuan runding ke jauh ngagai pemansang, pemerat begunaka kuasa enda tau enda diperambuka,” ku iya.

Iya nandu baru madahka pansik pasal Kuasa Nuklear nya udah digaga (Renggat Satu) tang Perintah Menua Malaysia beratika deka meri pemadah tu lebuh ripot nya tembu ila, ku iya.