BTV deka nyadi produk dagang temuai Sarawak
Kepala Menteri pechaya nengah palan nya jemah deka mai pemaik ngagai peranak ke diau ngelingi
KUCHING: Borneo Tribal Village ( BTV) di Kampung Apar,Singai di Bau deka nyadi sebengkah agi produk dagang temuai Sarawak.
Bejaku rambau bejadi BTV kemari, Kepala Menteri Datuk Amar Abang Johari Tun Openg pechaya palan nya deka mai pemaik sereta penguntung ngagai peranak ke diau ngelingi.
“Nengah palan tu mega, kitai ulih mandangka pemanah main asal tiap pupu bansa ke jarang dipeda ba endur bukai,” ku Abang Johari.
BTV ke urung 33 KM penyauh ari Palan Penerbai Bilun Entarabangsa Kuching (KIA) deka nyadi palan mandangka tanda, pemakai, pekayan, main sereta seni bansa asal di Borneo.
Abang Johari nambah, di serata dunya enti berandauka sentang dagang temuai, palan baka BTV meh ti rindu
Nengah palan tu mega, kitai ulih mandangka pemanah main asal tiap pupu bansa ke jarang dipeda ba endur bukai. Datuk Amar Abang Johari Tun Openg Kepala Menteri Sarawak
ditapatka orang.
“Ditu meh palan ti mandangka penyerakup kitai. Pengawa mandangka tanda tauka main asal bukai digaga bansa Melanau, Bidayuh sereta Iban.
“Tu meh pekara ti deka dipandangka kitai ngagai dunya luar. Enti ba endur bukai, sida suah belaya tang kitai ditu mayuh pengerami.
“Pemaik tu meseti dinanka kitai lalu dipandang ngagai dunya luar diak Sarawak nyadi menua pemadu manah digusung,”ku iya.
Ba pengerami nya kemari, Abang Johari mega bisi ngemata pengawa nyain Sem- pekat Pemereti Ati (MoU) entara Redeems enggau Pusaka.
Redeems diarika Datuk Peter Nansian lalu Pusaka diarika Menijar Besai Datu Sarudu Hoklai.
MoU nya ungkup pengawa ngemansang Taman Buluh enggau Sarawak Timber Trees Park dikandang ngelingi BTV.
Bela datai bini Abang Johari, Datin Amar Juma’ani Tuanku Bujang, Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah enggau orang bukai.