DANI deka ngatur Pengerami Makai Lemai Ngintu Hari Sarawak pagila

KUCHING: Dayak Nation Institute ( DANI) deka ngatur pengerami Makai Lemai Ngintu Hari Sarawak kena lemai pagila, 22 Julai (Hari Enam) ba Dewan Masyarakat Siburan ditu.

Program Koordinator DANI, William Mangor madahka pengerami nya diatur dikena ngintu Hari Sarawak ti udah ditetapka perintah nengeri nyadi hari kemisi berengkah taun nyin kemari.

“Hari bulan 22 Julai nya hari ke pemadu besai reti ngagai semua rayat Sarawak laban nya hari bulan Sarawak merdeka ari British.

“Kitai ke nyadi rayat Sarawak patut nyambut hari nya (22 Julai) dikena ngingatka jasa enggau pengawa sida ti dulu kelia ke udah bebendar ngulihka merdeka.

“Nya alai, DANI ngambi inisiatif ngatur pengerami tu sereta enggai tinggal ari nyambut hari ke pemadu besai reti nya,”ku iya.

Nambahka nya ku William, pengerai Hari Sarawak 22 Julai nadai reti enti agi mayuh endur tauka menua di nengeri tu ka agi tinggal ari segi sosio-ekonomi.

Berindik ari pekara nya, perintah aptut seruran ngetanka hak Sarawak sereta chakah agi ngemansangka nengeri tu.

Kelimpah ari makai malam, temuai ke datai meda deka diperindang enggau pengawa belagu ke alau penanyi Jennarino Jeraki enggau Dano Sanggau dikanggau merindang.

Pengawa bejual barang pengelandik , pengerami nya dipelabaka diatur berengkah pukul jari baka pakaian asal, aksesori orang indu, produk anyam jari enggau ke bukai ke bisi dijual.

Juluk piak pengatur bisi 200 iku temuai ke deka datai 6 lemai ngagai 11 malam.

Penerang silik pasal pekara tu tau betanya ngagai William empu ba lumur 017- 8590533 lalu bayar mega ulih disua maya pengerami nya.