Semua pengajar di menua pesisir dipinta besaup ngempung penemu
Ngambi ulih ngangkatka tikas pemanah pelajar di kandang menua pesisir
JULAU: Bala pengajar sereta sida ke dalam bidang pelajar di menua pesisir diansak ngambika ngempung penemu dikena ngangkatka pemanah tikas pelajar bala nembiak di kandang menua pesisir kelebih agi di sitak Meluan.
Kaban Kunsil Nengeri ( ADUN) Meluan Rolland Duat, mansutka pekara tu berindik ari sekula di menua pesisir meri penanggul ngagai bala pengajar, nembiak sekula enggau apai indai sereta mega piak ke bukai ti bisi ngaul diri enggau sekula baka pemekal barang pemakai sereta kereban ti diguna ninting hari.
“Aku temegah ati beratika tebal agi pengajar di menua tu ulih nelebaka diri enggau gaya pengidup di menua pesisir lalu aku ngarapka sida mega ulih mansutka sekeda penemu baka ni mutarka sebarang penanggul ke bisi ditapi,” ku Rolland.
Senentang pekara nya, Rolland minta pengajar di menua pesisir nganjung keretas kereja pasal pekara ti patut enggau deka digaga dikena ngangkatka standard pelajar di sekula sida empu.
Pekara tu muntang dijapai nyema semua pengajar di menua pesisir bisi pel-
Aku temegah ati beratika tebal agi pengajar di menua tu ulih nelebaka diri enggau gaya pengidup di menua pesisir lalu aku ngarapka sida mega ulih mansutka sekeda penemu baka ni mutarka sebarang penanggul ke bisi ditapi. Rolland Duat ADUN Meluan
uang duduk begulai ngambi bekunsika penanggul sida sereta bela berundingka pemutar ti pemadu engkeman, ku iya nambah.
Rolland madah penanggul ke suah ditapi iya nya ari sukut arus penyambung internet tauka telefon seraya madahka iya deka nyediaka arus penyambung nundaka guna pekara pemansang di sitak nya.
“Berindik ari mayuh penanggul enggau penekul ti ditapi sida kemaya hari, aku ngarapka pekara tu enda nyadi kebuah ba bala pengajar enda ransing meri servis ngagai komuniti. Nengah pengawa begulai, kitai deka ulih ngemai ubah ti manah agi,” ku iya nyemetak.
Dikena nentuka bala nem- biak di menua tu nerima pelajar ti menyana, Rolland minta bala pengajar nyediaka sida enggau bantu, embing, penerang sereta lalau ngambika sida ulih nyapai penyulut dalam pelajar.
Pekara tu nyengkaum mantu sida ngaga pemutus pasal kereja sida dudi hari enggau bidang pelajar bepelasarka penau sereta ngelalau sida ba mayuh bengkah bantu pelajar enggau duit jali ti bisi disediaka perintah, ku Rolland, rambau iya bejadika pengawa nyuaka baucher baju sekula Yayasan Sarawak ungkup bala nembiak di Pelilih Julau, di Balai Mayuh Guna, Sekula Sekondari (SMK) Julau No.2 ditu, Hari Satu tu tadi.
Iya mega meransang bala pengajar ngatur mayuh agi program meri peransang ungkup bala nembiak seraya nyamin deka mantu sida, kelebih agi ari sukut belanja.
Iya mega deka ngagihka belanja khas dikena ngatur gempuru ngenang pengawa bala pengajar ti ngaul diri ngatur program meri peransang enggau pelajar ke pulaika pemaik bala nembiak di sitak nya.
Nyadi ex-Kepala Pengajar, iya nemu komuniti di menua nya nadai entu nyenggala ngayanka sida ngenang pengawa ti digaga bala pengajar ba pelajar bala anak sida, nya alai, nyadi pengari iya, iya ngasaika diri bisi tanggungpengawa ngenang pemanah pengawa bala pengajar, ku Rolland nandu.
Berebak enggau pengawa sehari nya, Rolland udah nyuaka baucher bela RM200 seiti ngagai 400 iku penerima ti datai ari 69 iku nembiak ari sekula sekondari lalu 331 iku ari sekula primari di Pelilih Julau.
Sekeda bala ke bisi datai iya nya pengari ari Yayasan Sarawak Peter Watson Chunggat, pengari ari Opis Pelajar Pelilih Julau Asas Lanyau sereta pengari ari Opis Residen Sarikei, Safaidi Tumbuh.