Mensia mayuh diperansang ngulu licha bekaul penyakit rabies sehari tu: Dr Sim

Kepala Menteri, Tan Sri Datuk Amar Dr James Masing ba pengerami nya madahka raban nembiak rebak baru mega patut meretika agi pemesai guna penyerakup di menua tu.

“Tuju penumbuh sesebengkah komuniti ukai semina bepanggai ba sekeda orang aja tang begunaka saup enggau kerejasama ari semua serak raban bansa.

“Ba komuniti pupu bansa di Sarawak, main enggau adat asal nyadi kuasa ti kering ngagai peranak di nengeri tu, kelebih agi bansa Dayak. Pekara main asal tu ke bendar patut ulih nempa bansa enggau penyerakup sereta bebasaka pangan diri,” ku iya.

Nya alai, iya meransang komuniti Dayak majak ngetan sereta nambahka penemu sida sentang sejarah, penatai asal, adat enggau main asal ti dikembuan komuniti Dayak ungkup rebak dudi hari.

Berebak enggau pengerami nya, Majang bisi ngemendarka geran Projek Mit Pemansang Menua Pesisir (MRP) penyampau RM20,000 ngagai Serakup Dayak Miri (DAM).

Iya muji raban DAM udah ngatur pengerami nya ti nyadi pelasar negutka pemanah kaul, penyerakup enggau pengelantang antara raban ti dikangau.

“DAM mega mujur ngatur sekeda aktiviti ti udah ngayanka ulah rinduka main asal ti majak nambah baka ngajat enggau betabuh.

“Meransang pesereta bala nembiak sekula ba mayuh bengkah kelas seni enggau main asal ti diatur serakup tu nyata ngayanka kaban komuniti kelebih agi raban nembiak rebak baru agi ngemeranka pesaka asal Dayak,” ku iya nambah.

Majang mega bisi nyuaka setipikit tembu belajar ngagai lebih 50 iku nembiak enggau pengajar kelas beranyam, ngajat enggau betabuh ti diatur DAM berengkah ari bulan Febuari nyentuk April taun tu, maya pengerami nya.

Entara main bukai ti bisi diatur malam nya iya nya ngelancharka tuju enggau juluk serakup, mantaika main asal, chabut tikit benasit enggau pekit ‘Best Dress Lady’ enggau ‘ Best Dress Man’ ungkup malam nya.

Nitih ku Presiden DAM, Serawa Budol, batang tuju DAM baka ngelakuka pengawa rama, pelajar, ekonomi, main asal enggau lumba ba kaban enggau bansa Dayak.

“Juluk DAM deka nyadi ejen ngubah komuniti.”

“Serakup tu nyendiaka pelasar enggau palan kitai nyulut begulai nyapai Juluk 2020 Menua enggau ti nangkanka nya,” ku iya.

Chairlady Raban Indu DAM Jacqueline Selaka, Sapit Residen Miri Nyurak Keti, Ketuai Raban Bansa Iban di Bagi Menua Miri, Temenggong Wilson Atong Limping sekeda ari bala ke bisi datai ngulu pengerami nya. KUCHING: Menteri Kaunsil Kandang Menua enggau Pengawa Berumah Datuk Dr. Prof Dr Sim Kui Hian minta sereta ngelalau mensia mayuh ngulu licha Penyedar Mensia Mayuh bekaul enggau igi penyakit ukui gila tauka rabies sehari tu.

Dalam aum iya ke diatur ba opis iya ba Ringkat 17 Wisma Bapa Malaysia kemari madah, Opis Pengerai Nengeri Sarawak deka ngatur licha nya pukul 7.30 malam tu, dalam lima jaku ti nyengkaum jaku Mandarin, Bidayuh, Melayu, English enggau Iban.

“Licha dalam Jaku Mandarin diatur ba SJK (C) Batu 10, gelanggang Bola Keranjang; Jaku Bidayuh ba Dewan Mensia Mayuh Genturung Pendiau Semaba; Jaku Melayu ba Dewan Masjid Al Abyad Kpg Matang; Jaku English ba TJ Delight Eating Place, Tabuan Jaya enggau licha dalam Jaku Iban deka diatur ba kandang endur Tabuan Dayak,” ku iya.

Naka ke diatu, mengkang 22 kandang endur baka ke dipadahka seeadau tu ditetapka bisi igi penyakit rabies.

Taja pan bisi 22 kandang endur ditetap bisi igi penyakit nya tang agi ulih dijaga lalu operasyen meri vaksin antirabies agi dipejalaika dikena nyeliahka ari ngerekai ngagai endur bukai.

kelimpah ari nya, Sekretariat Komiti Mutarka Penusah Ngenyit ( JPBN) Nengeri Sarawak madahka ripot ke dikerembaika nengah WhatApps kemari, Masjid Darul Abidin, Jalai Astana ti madahka penerang ari Opis Pengerai Nengeri Sarawak iya nya Petra Jaya ditetapka kandang endur kerekai igi penyakit rabies, nya enda betul.

Aum JPBN Sarawak (Penyakit Rabies) Bil 8/2018 ti bechairmanka Datu Jaul Samion, iya nya Sapit Sekretari JPBN Sarawak ti digulu semua ke bekaul berandauka chara betapi enggau igi penyakit rabies tauka penyakit ukui gila nengah atur ‘Buffer Zone’.

Nambahka nya Program Penyedar Mensia Mayuh mega diatur berengkah ari bagi menua Sarikei ngagai bagi menua Kuching, kelimpah penyereta ari semua Pegawai Pelilih Menua ti mungkur ketuai raban bansa enggau ketuai bansa sama nagang enggau munaska penyakit nya.

Naka sehari kemari bisi 477 iku ukui udah diberi vaksin ti nyadika penyampau semua ke udah diberi vaksin iya bisi 18,764 iku nyengkaum 11,124 iku ukui, 7,595 iku mayau enggau 45 iku jelu bukai.

“Program Pelalian’ igi penyakit rabies deka diatur kena Hari Enam (sehari tu), 29 Julai 2017 ba Gelanggang Bola Keranjang, 57 lurung Arang 15C4, Everbright Estate, Kuching berengkah ari pukul 10 pagi ngagai 4 lemai.

“Pengempu jelu dipinta mai ukui sida betuchuk vaksin nya,” ku sekretariat JPBN Sarawak.

Opis Pengerai Nengeri Sarawak madahka naka ke diatu bisi 59 kes ketup ukui udah diripot naka sehari kemari ke alai ba bagi menua Serian bisi 16 kes enggau bagi menua Kuching bisi 43 kes.

Lalu nya nyadika penyampau semua ke diketup ukui ke nyadi kenyai 1 ngagai 28 Julai bisi 1,075 kes ketup ukui. Bisi 29 kes ketup nya udah diberi tuchuk vaksin anti- rabies kemari ti nyadika penyampau semua bisi 652 kes.

“Opis Pengerai Nengeri Sarawak udah numbuhka empat buah Klinik Kena Ketup Ukui iya nya Sepital Besai Sarawak, Sepital Serian, KK Sentosa enggau KK Sri Aman ti meri servis mutarka kes ketup ukui nya.

“Lalu ke nyadi di luar kandang endur empat Klinik Kena Ketup Ukui nya dilalau ngambika ngelawa sepital tauka klinik ke besemak,” ku Sekretariat.