Inisiatif ngatur Pekit Pidato Jaku Iban dipuji
Engka udah suah diatur ba tikas sekula tang ba tikas tu tau dikumbai ti keterubah
KUCHING: Dr Lambat Lindong, Direktor Intitut Pematih Pengajar ( IPG) Kampus Rajang meri puji ngagai raban ari Utusan Borneo (Seksyen Iban) enggau Gerempung Pemansang Pelajar Jaku Iban (AEDIL) laban udah teulihka runding ngatur pekit pengelandik bejaku (pidato) Iban 2017.
Pekit ke sebaka engka udah suah diatur ba tikas sekula tang tikas ke baka tu tau dikumbai ti keterubah sereta tebuka mega ngagai mensia mayuh.
“Pidato tu siti tempara ti pemadu badas alai kitai ngayanka pengerindu enggau pengangkun diri ke pengerembai enggau guna jaku Iban”, ku iya.
“Pekit tu mega ukai semina nyadi ke publisiti tang amat beguna dikena nerenak pengerindu nembiak rebak baru enggau mensia mayuh ba jaku Iban. Sigi betul rambai Jaku,”Buah Dikelala Ari Langgu, Bansa Ditemu Ari
Pekit tu mega ukai semina nyadi ke publisiti tang amat beguna dikena nerenak pengerindu nembiak rebak baru enggau mensia mayuh ba Jaku Iban. Sigi betul rambai jaku,”Buah Dikelala Ari Langgu, Bansa Ditemu Ari Jaku. Dr Lambat Lindong Direktor Intitut Pematih Pengajar (IPG) Kampus Rajang
Jaku”. Jaku nya identiti kitai bansa.
Ngena peluang tu, iya mega mai semua kitai sama nyukung enggau chara besampi awakka pekit tu ulih dipejalai enggau mujur.
Ngena awak tu mega Dr Lambat meri terima kasih ngagai Tan Sri Datuk Dr James Jemut Masing, bala menteri sereta enggau pengari rayat bukai ti udah nyukung meri belanja dikena ngatur pekit tu. Terima kasih mega ngagai Direktor JPN Sarawak laban udah meri pemendar ng agai nembiak sekula enggau masuk pekit tu.
Kami ari raban Aedil sigi semampai nyukung aktiviti ke bekaul enggau pemansang jaku Iban, ku iya.
Iya mega madah, AEDIL semampai sedia bekerejasama enggau gerempung bukai ba tuju ke sebaka.
Aram mih sampal datai ngulu pengawa tu tu deka diatur kena 4 enggau 5 Ogos 201, ku Dr Lambat ti nyadi Chairman Aedil ke mega Penyanding Penemu komiti pekit tu.