Kuching endur konsert ‘K-Pop Musical’ keterubah
Konsert tu deka diatur kena 19 Ogos bepalan ba Stadium Perpaduan dikena merindang raban nembiak
KUCHING: Mengeri Kuching deka ngadu konsert ‘K-Pop Musical’ keterubah kena 19 Ogos 2017 di Stadium Perpaduan ditu.
Nitihka penerang ari Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah perintah meri pemendar ngagai 3 band K- Pop ari menua Korea ngaga kosert ditu dikena merindang raban nembiak nengeri tu.
“Kitai dekaka Kuching ngatur mayuh pengawa enggau pengerami. Aku mega nemu nembiak di Kuching inginka pekara ke manah ba sida.
“Nembiak tu patut kitai perindang enggau pekara ke manah lalu konsert K-Pop asai aku ulih merindang sida,” ku iya.
Karim mansutka jaku nya ba pengawa bejadi konsert ke mega nyadi pengawa bejual tikit ke diatur di Palan Bebeli Barang Boulevard ditu, kemari.
Karim nambah, konsert nya ila deka nyaup ngelaku Kuching ngagai menua luar kelebih agi ngagai peranak Korea.
Ku iya, temuai ari menua Singapura enggau Korea deka datai ke Kuching beperindang ba konsert nya ila.
“Ngarap Kuching lebih dikelala nengah konsert tu. Video konsert tu ila udah tentu deka dipeda di Korea
Ngarap Kuching lebih dikelala nengah konsert tu. Video konsert tu ila udah tentu deka dipeda di Korea lalu tau matak peranak menua nya datai ke Kuching.
lalu tau matak peranak menua nya datai ke Kuching,”ku iya nambah.
Tiga band K-Pop Korea ti deka merindang di Kuching iya nya RionFive, Matilda enggau A to Z.
Konsert diatur Winter Star nengah sukung Opis Menteri Nembiak enggau Lumba sereta Sarawak Tourism Board (STB).
Tikit bisi dijual nengah rega RM100 nyentuk ngagai RM300 ke alai ba pengawa kemari, semua tikit dijual nengah rega diskaun 50 peratus.
Bela datai Direktor Majlis Sukan Nengeri Dr Ong Kong Swee enggau Direktor Wintar Star Nicholas Yek.