MoU ngaga Hidroelektrik Baleh mujur disain
Entara anak kompeni (SEB),SEB Power, CGGC, Untang JV deka begulai ngaga Hidroeleketrik Baleh
KUCHING: Anak kompeni Sarawak Energery Berhad (SEB), SEB Power enggau China Gezhoubaa Group Company Limited (CGGC) sereta Untang Jaya Sdn Bhd Joint Venture (Untang JV) udah mujur nyain kontrak begulai ngaga Projek Tekat Hidro Ai Baleh, kemari.
Chairman SEB, Datuk Amar Abdul Hamed Sepawi madah, projek nya digaga belalauka IHA Hydropower Sustainability Assessment Protocol enggau ICOLD - International Commission on Large Dams.
Sarawak Energy ku iya, belangkarka Procurement Policies and Procedures (PPP) ti senipak enggau pelasar industri enggau antarabansa dikena ngenukuka SEB nempa kerejasama enggau kontraktor ti pemadu manah ke ulih ngasilka kualiti projek ti tinggi.
“Kontrak tu nyengkaum ngelangkar enggau ngaga tekad besai, intake structures, spillway enggau penstock Kereja ngelangkar dipelabaka berengkah dalam bulan Ogos lalu disadang berengkah dipejalaika dalam bulan Oktober 2018.
“Pengawa nyain sempekat sehari tu (kemari) enggau China Gezhouba Group Corporation iya nya sebuah kompeni antarabansa ke bisi rikod ti manah sereta udah ngambi bagi ba pengawa ngaga lebih 100 projek hidroelektrik di serata dunya, kitai ngarapka sida tu mai peneleba enggau pengelandik tauka penemu ngagai Baleh.
“Untang Jaya, kontraktor Kelas A di Baleh, ngarika peranak menua tu sama deka enggau ngaga projek Tekat Hidroelekterik Baleh, tu mega juluk kami deka nyukung insiatif perintah nengeri ti deka meri awak kelebih agi ngagai peranak menua tu enggau Bumiputera dalam pengulih enggau kontrak,” ku iya.
Hamed mansutka pekara nya lebuh ke bejaku ba atur pengawa nyain sempekat entara SEB Power enggau CGGC - CGGC Malaysia - Untang JV ke diatur ba Ringkat 9, Menara Sarawak Energy ditu, kemari.
Sempekat nya kemari SEB Power Sdn Bhd diarika Chief Pemesai Eksekutif Sarawak Sarawak Energy Group Sharbini Suhaili enggau Mandal Eksecutif Presiden James Ung Sing Kwong, lalu China Gezhouba Group Company Limited diarika (CGGC Malaysia) Xu Zhongguo enggau Huang Mingxing sereta Untang Jaya Sdn Bhd diarika Direktor iya nya Michael Jawa enggau Managing Direktor, Rheineld @ Minor Panyau.
Pengawa nyain sempekat nya kemari dikemataka Sapit Kepala Menteri ke mega Menteri Pemansang Infrastruktur enggau Perengka Pengangkut sereta Kaban Kunsil Nengeri Baleh, Tan Sri Datuk Amar James Jemut Masing.
Tekat Ai Baleh ba Sungai Baleh iya nya urung 95 kilometer ari nanga Sungai Rajang di Kapit, deka ngasilka 1,285 megawatt kuasa karan enti projek tu tembu ila. Projek nya dipelabaka ulih tembu semua lebuh manggai ba taun 2026.
Pengawa ngaga Hidroelekterik Baleh nya dipelabaka deka nyendiaka 3,500 iti peluang gawa kelebih agi ngagai peranak menua nya, kelimpah muka peluang ngagai peranak menua nya bedagang.
Kelimpah ari nya Hamed madah, SEB deka meri peluang ngagai peranak menua ari Kapit enggau Baleh ngambi bagi dalam projek nya nengah chara ngenegapka pengelandik peranak menua nya sereta nambahka penyereta menua nya dalam projek Hidroelekterik Baleh, ke lalu nyadi sebengkah tanggungpengawa rama korporat SEB.
Berindik ari pekara nya ku iya, SEB nengah kerejasam enggau institut pematih deka ngelatih 500 iku nembiak ari bagi menua Kapit kelebih agi ari Baleh ngulihka setipikit dalam mayuh bengkah pengelandik teknikal.
Naka ke diatu bisi 80 iku nembiak udah ngerejista diri nyereta program latih nya.
“Apin lama kami mega bisi nempa kerejasama enggau Opis Residen sereta National Institute of Occupational Safety and Health (NIOSH) ngatur forum pengelikun ti bisi dipasuk urung 300 kunteriktor enggau ketuai raban bansa.
Kontrak tu nyengkaum ngelangkar enggau ngaga tekad besai, intake structures, spillway enggau penstock Kereja ngelangkar dipelabaka berengkah dalam bulan Ogos lalu disadang berengkah dipejalaika dalam bulan Oktober 2018. Datuk Amar Abdul Hamed Sepawi Chairman SEB