SPR nyangkal pengerembai berita pasal PRU Ke-14
Ba hari bulan nya semina ngatur latih enggau simulasyen ngagai orang ke deka gawa maya PRU 14 di Kelantan
KUCHING: Komiti Pengawa Bepilih (SPR) nyangkal berita dikerembaika ba media rama ti madahka 13 Oktober 2017 maya Pengawa Bepilih Besai Ke-14 (PRU14).
Chairman SPR, Datuk Seri Mohd Hashim Abdullah nengah penerang berita minta mensia mayuh enda arapka berita selebubu nya ke benung dikerembai ba media rama.
“Berindik ari pengerembai klip video pasal PRU14 ba media rama diatu ti madahka PRU nya diatur kena 13 Oktober 2017, Komiti Pengawa Bepilih (SPR) deka nerangka ditu, haribulan nya ukai haribulan ke amat.
“Ke penerang mensia mayuh, ba hari bulan nya semina ngatur latih enggau simulasyen ngagai orang ke deka gawa maya PRU 14 maya Program Meri Penerang ngagai bala Pegawai menijar enggau Penulung Pegawai Menijar PRK14 Renggat Nengeri Kelantan, ke diatur ba Kota Bahru kena 31 Julai 2017.
“SPR ngarapka semua ke orang enda arapka berita se- lebubu ti madahka haribulan PRU14 udah ditetapka.
“SPR enda lantang ati ngagai orang seseiku ke ngerikod enggau ngerembaika video nya ngagai mensia mayuh ti lalu nyaruka runding mensia mayuh pasal hari bulan PRU14,” ku iya dalam penerang berita.
Nambahka nya, iya madahka SPR ngatur program meri penerang di serata menua tu dikena napi PRU14, kenyau ari pun taun 2017.
“Program tu sebagi ari proses dikena nyikap SPR meri latih enggau ngenegapka pengelandik tetiap iku ti deka bejalaika pengawa pasal tanggungpengawa sida maya napi enggau PRU14 ila,” ku iya.
Berindik ari pengerembai klip video pasal PRU14 ba media rama diatu ti madahka PRU nya diatur kena 13 Oktober 2017, Komiti Pengawa Bepilih (SPR) deka nerangka ditu, haribulan nya ukai haribulan ke amat. Datuk Seri Mohd Hashim Abdullah Chairman SPR