RM90 juta dipinta kena ngemanah sekula di S’wak
Sepenyampau 30 buah sekula nya deka digaga nguna teknologi ‘Integrated Building System’
BAU: Perintah Besai nengah Opis Menteri Pekara Pelajar nyendiaka RM90 juta ba taun 2017 dikena nambah sereta ngemanah begunan di 30 buah sekula di Sarawak
Ketuai Direktor Opis Pelajar Tan Sri Dr. Khair Mohamad Yusof madah begunan nya deka digaga nguna teknologi “Integrated Building System”(IBS) ti lengkas dipasang.
“Nguna teknologi tu, begunan ulih digaga enggau lengkas iya nya dalam kandang dua bulan kelimpah ti mengkang ngenanka kualiti begunan.
“Ungkus projek bepanggai ba pemayuh begunan ti deka digaga baikka nya begunan endur belajar, opis, makmal sains enggau ke bukai,”ku Khair.
Iya mansutka jaku nya ngagai pengarang berita ba penemuai kereja ngabas begunan baru SK Serasot di Bau ti
Nguna teknologi tu, begunan ulih digaga enggau lengkas iya nya dalam kandang dua bulan kelimpah ti mengkang ngenanka kualiti begunan. Tan Sri Dr. Khair Mohamad Yusof Ketuai Direktor Opis Pelajar
digaga nguna teknologi IBS.
Ngenang kaul ke sama, Iya madah bisi tiga projek ke sama digaga di Bau iya nya di SK Serasot, SK Grogo enggau SK Siniawan.
Kededua SK Grogo enggau SK Serasot udah tembu lalu SK Siniawan benung digaga diatu, tandu Khair.
“Semua projek berengkah ba bulan April taun tu lalu digaga kontraktor enggau konsultan ke sama,”ku Khair seraya madah enam iti projek udah tembu digaga di Sarawak kenyau ari taun 2016.
Iya nambah begunan sekula digaga nguna panel precast konkrit ti ukai semina ngelimat timpuh ngaga tang mega ngelimat belanja.
“Pekara tu meri empas tekala nya ngagai nembiak, pengajar enggau sekula. Dalam timpuh dua bulan, begunan baru udah tau dikena,’ku iya.
Nitihka penerang berita ari Opis Pelajar kemari, enam buah sekula bukai benung digaga nguna teknologi IBS maya ke diatu.
Enam sekula iya nya SK Kampung Alit( Kabong), SK Manggut(Betong), SK Ulu Sungai Merah(Sibu), SK Kampung Lintang(Lawas), SK Tabut(Lubuk Antu) enggau SMK Meradong(Bintangor).
Enam projek tu disadang tembu digaga bulan Ogos enggau September 2017.
Bela datai Kaban Kunsil Nengeri ( ADUN) Tasik Biru Dato Henry Jinep, Sapit Ketuai Sekretari(Pemansang Pelajar) Datuk Seri Azmi Lateh, Pemesai Pelajar Bau Les Met enggau orang bukai.