Agih mayuh agi belanja ungkup Program CSR: Ugak
KUCHING: Perintah nengeri patut ngiga sereta nerang chara engkeman dikena mutarka penanggul ngaduka belanja enggau jalai pemansut pemisi perintah ke ditapi sekeda ejensi tauka opis perintah, bepelasarka asil ti diaudit Jabatan Audit Negara (JAN).
Chairman Parti Keasilan Rakyat (PKR) Sarawak, Baru Bian madah, nitihka ripot JAN nya ngayanka sekeda ejensi tauka opis perintah udah ngayanka pengelemi ba chara ngatur belanja.
“Pekara tu ngayanka isu salah ngatur ke serius sereta mandangka pengelemi ngatur belanja.
“Nama atur ke deka dipejalaika perintah pengudah nemu asil ari ripot Ketuai Audit Menua? Bisi orang ke patut diberi tanggungpengawa, lalu aku ngarapka ripot ti dibantaika tu ukai baka ripot AG ke udah tauka sebedau tu, ke nadai atur tauka semina mimit aja atur dipejalaika dikena napi penanggul nya tauka meri tanggungpengawa nya ngagai orang seseiku ke bekaul,” ku iya.
Baru ke mega Kaban Kunsil Nengeri (ADUN) Ba’Kelalan mansutka pekara nya dalam aum pengarang berita ke diatur ba Indu Opis PKR ditu, kemari.
Nitihku iya Komiti Penangang Makai Suap (SPRM) bisi madahka deka meda pekara nya bepelasarka ripot Ketuai Audit Menua sereta mansik nyema dipelabaka bisi makai suap enggau salah guna kuasa.
Iya bepenemu semua kes nya, duit pemayar chukai mega disengkaum lalu SPRM patut beratika silik maya bejalaika pengawa pemansik.
“Ke manah agi sereta pemadu beguna pengawa mansik nya dipejalaika enggau enda bechiping ngambika nadai disangka tauka dituduh nutup pekara nya.
“Kepala Menteri ti bisi numbuhka langgur strategi dikena ngemansangka Sarawak nyengkaum ngelanggur ngaga LRT, inisiatif ekonomi digital, tekat enggau kebukai ti begunaka belanja besai.
“Iya (Kepala Menteri) enda tau enda ngiga chara dikena meyakingkan rakyat iya nya pengurusan nengeri tu besedia sereta inistif strategik ke dipejalaika nadai betapi enggau pekara ke sama baka gerempung tauka ejensi tauka opis perintah ti dipadahka Ketuai Audit Menua,” ku iya.
Bepelasarka riput surat kabar pun bulan tu tadi, bisi 13 ari opis menteri, opis enggau ejensi perintah nengeri Sarawak ke diaudit Jabatan Audit Negara (JAN) nerima gelar nyulut tauka lima bintang bekaul enggau ngurus belanja ba taun 2016.
Taja pia bisi dua opis ( perintah) nengeri digelar ‘kurang ngemuaska’ tauka ‘dua bintang’
Pekara nya dibantaika Ketuai Audit Menua (KAN) Tan Sri Dr Madinah Mohamad dalam Ripot KAN Siri 1, 2016 ti dibantaika dalam laman sesawang rasmi JAN kena 31 Julai apin lama. K U C H I N G : K a b a n Parlimen(MP) Hulu Rajang Datuk Wilson Ugak Kumbong ngarap Sarawak Enery Berhad (SEB) ngagihka mayuh agi belanja ba Program Tanggung Pengawa Rama (CSR) ijinsi ungkup pemaik peranak Belaga.
Ku iya, tu mih maya peranak Belaga diberi basa besai pengudah sanggup ninggalka rumah panjai asal lalu mindah ngaga palan pengentap pendiau Sg Asap ngambi ulih meri awak ngagai pengawa ngaga Palan Hidro(HEP) Bakun.
“Pengudah SEB ngambi HEP Bakun ari Opis Menteri Pekara Wang, tu mih maya sida meri basa ke besai ngagai peranak Belga ti udah mindah ngambi ulih meri awak ngagai pengawa ngaga HEP Bakun,”ku iya madah ngagai The Borneo Post kemari.
Iya madah Sarawak Hidro ti udah ngambi HEP Bakun bisi ngagihka RM1 juta ninting taun nengah program CSR ungkup peranak Belaga sereta NGO.
“BelanjanengahCSRchukup berat ungkup peranak Belaga ketegal ti ulih nyaup ngangkat ikas pengidup sida,”ku iya.
Entara sekeda pengawa ke berat ungkup pemansang rama ku Ugak iya nya lumba enggau main, main asal enggau pekara ke bekaul enggau pelajar.
Ngenang kaul bukai,Ugak madah deka mungkal pengawa ekonomi mikro ungkup peranak ke diau ba kandang endur dikuasa parlimen iya.
“Tu mih pengawa ti dikemerat ungkup peranak ke diau di Hulu Rajang ti deka dipungka aku ngambi sida bulih pemaik ari Murum enggau HEP Bakun.
“Enda lama agi pengawa ngaga HEP Baleh deka nyadi sebengkah pengawa ekonomi besai ba ‘kawasan’ ungkup timpuh 8 taun ti deka datai,’ku iya.
Ugak mega meri jaku puji ngagai SEB ketegal ti udah meri belanja ngagai tiga pengerami besai di Pelilih Belaga ti deka diatur ba bulan Ogos tu.
Tiga pengerami iya nya Regatta Mini Belaga ke berengkah ari 5 - 6 Ogos, Safari Nginti di Tasik Bakun 5 - 6 Ogos enggau Pesta Main Asal di Ulu Koyan Sg Asap 25 - 26 Ogos.
“Tu mih keterubah kitai ngatur pengerami tu di Belaga lalu ngarap ulih dipasuk ba kalendar dagang temuai nengeri,’ ku Ugak.