Awang Tengah muji penyulut JTS Sarawak ba pengawa ngatur belanja
KUCHING: Ari sukut penyendia servis perintah nengah ejensi Opis Tanah enggau Sukat (JTS) Sarawak betatika pekara integriti entara pekara ke meseti dikemeratka ejensi nya.
Sapit Kepala Menteri Datuk Amar Awang Tengah Ali Hasan ngelalau tiap iku pengereja pengawa ejensi tauka opis perintah ngeletakka pemerat integriti dalam tiap pengawa ke diberika ngagai sida iya.
“Aku ngambi peluangj tu meri puji ngagai Opis Tanah enggau Sukat laban teulihka Empat (4) Bintang ( pengabis mayuh) dalam Indeks Akauntabiliti ( IA) dalam pekara ngatur belanja ungkup timpuh dua taun bejurut iya nya (2013-2014) nengah Opis Audit Menua, lalu menang baru dalam taun 2015 teulihka lima bintang,” ku Awang Tengah.
Iya madah munyi nya lebuh bejaku nengah teks jaku iya ti dibacha Menteri Muda Pengatur Tanah enggau Rampa Menua, Datu Len Talif Salleh di sebengkah hotel ditu, ensanus.
Atur pengawa nya mega beratika pengereja pengawa ari opis JTS ari 2-3 Ogos, bisi ngaga kus, Hari Inovasi enggau Integriti Tanah & Survei (HIITS) ke bala pengereja pengawa opis nya, ke dipelabaka dalam 400 iku pengereja pengawa JTS ari serata menua Sarawak, kelimpah ari meri basa ngagai urung 42 iku pengereja pengawa JTS ke deka bepinchin dalam kandang taun tu enggau taun baru tu ila .
Sama bisi enggau ngulu atur pengawa nya kemari, Direktor Opis JTS, Sr. Zaidi Mahdi.
Iya nandu baru madahka, taja pan enda (tidak dinilai) ke taun 2016 ke Gelar Integriti (AI), raban pengereja pengawa dikarapka enda (leka) enggau japai tu.
“Tu mandangka pengawa meri gelar ‘Anugerah Khas’ Keselamatan Perlindungan Tanah 2016’ enggau japai ke mujur. Aku pan bisi dipadahka gelar tu diberi Kepala Sekretari Malaysia, Tan Sri Dr. Ali Hamza ba siti atur pengawa ‘Majlis Anugerah Khas Keselamatan Perlindungan Tahun 2016’ kena 17 Julai tu tadi.
“Aku pechaya gelar ke diterima kita tu, betuju ngangkatka tikas pengelikun nyaga aset perintah ngambika seruran dalam gaya ke likun. Enggau kelala tu, aku ngarapka rayat pan arapka kualiti pengawa servis opis tu deka meri empas ke positif ba pengelikun sereta imej opis tu,” ku iya.
Awang Tengah ti mega nyadi Menteri Rampa Menua lebuh meri terima kasih ngagai pengereja pengawa opis tu ke deka bepinchin taun tu enggau taun baru tu ila, ku iya, ngarapka ke semua sida tu udah besedia sereta bisi perambu kediri empu lebuh bejalaika pendiau nyadi orang ke bepinchin.
“Nyerumba sempama jaku English, ‘Retire from work, but not from life’. Barang pengawa ke digaga kita, gaga meh enggau perambu sereta pelin ke manah bepelasarka pengulih kita empu sereta tikas pengerai seiku-seiku,” ku iya, ke ngarika perintah nengeri Sarawak meri terima kasih ngagai semua sida ke deka pinchin nya.
Ba lansa bukai, iya ngelalau pengereja pengawa JTS, iya nya di Sarawak ku iya, pemansang ukai semina ngemeratka pemansang fizikal, tang beratika pemansang ekonomi digital, baka ke udah dipadah ulih Kepala Menteri, Datuk Amar Abang Johari Tun Openg, ku iya.
“Ekonomi digital begunaka komitmen ke besai ke pengawa pemaansang perengka guna internet di serata menua Sarawak, ngambika pengelaju internet ke tegap ulih disediaka kena nyukung pengawa tu, nuju ngaga menua tu ngembuan digital ekonomi.
“Kena ngangkatka pengelaju internet, mayuh agi tiang komunikasyen enda tau enda dikemansangka, kena nyendiaka nungkur internet ke tegut,” ku iya.
Nya alai, iya madah, dalam pengawa menua tu nyendiaka perengka guna nya, sebarang penanggul ke bisi bekait enggau rayat, anag sesekali ngemelakangka sida iya, ku iya.
“Dalam jaku Kepala Menteri lebuh mantaika Jaku Simpul iya ba aum Kunsil Nengeri bulan mei tu tadi, beratika pemansang ‘Digital Government’ kena nyukung ekonomi digital.
“Pemerat ‘ Digital Government’ tu ukai semina nyendaka servis ‘ online’ aja tang meri penemu baru ngagai Perintah, meri servis ngagai rayat. Baka jeman diatu, semua kitai bepanggai ba telefon binching kitai,” ku iya.
“Pia mega, eLASIS baruh JTS nyadi inisiatif ke patut dipuji, nyadi pemungkal nuju Perintah Digital.
“Tang rayat seruran minta servis ke pengabis muntang sereta jampat. Aku ngarapka JTS terus ngerangkah strategi ulih meri servis opis Perintah enda kena tinggal dalam pemansang Perintah Digital,” ku iya.