20 iku pesereta deka ngerebut gelar champion Pekit Pidato Iban sehari tu

KUCHING: Bisi 20 iku pesereta udah mujur dipilih masuk renggat kepenudi Pekit Pidato Iban UB-Aedil 2017 ke diatur ba AuditoriumTun Ahmad Zaidi Adruce ( TAZA), Palan Pematih Pengajar (IPG) Batu Lintang ditu, sehari tu.

Dua puluh iku nya nya nyengkaum enam iku ari kategori nembiak sekula ke udah mujur ba renggat saringan ke diatur ba sebuah hotel ditu kemari, lalu Kategori Tebuka Baruh 45 taun bisi tuju iku sereta ketegori Palan Pelajar Tinggi (IPT) bisi tujuh iku.

Entara enam ari 27 iku dalam Kategori Nembiak Sekula ke mujur masuk ngagai renggat kepenudi iya nya Tracy Layau, Jasmine Lyn, Marlia Kilat, Anderina Miloh, Debra Simoi enggau Jesica Cherenny.

Kategori Tebuka Baruh 45 taun iya nya Suda Lunyong, Martin Dinil, Tini Numpang, Sila Robin, Bruwin Jumput, Larry Dabong enggau Sangin Juat.

Tujuh iku Kategori Palan Pelajar Tinggi (IPT) iya nya Rynna Sha’erra Mindew, Micheal Bandang Tinggai, Brolin Golayous, Easter Wendy Ngalit Lawrance, Erica Leenya Eben, Nicholas Beliang Engkabi enggau Easter Jawai Paul.

Pengerami renggat final ke diatur lemai tu dipelabaka deka digulu sereta dipenyadika Sapit Kepala Menteri ti mega Menteri Pemansang Infrastruktur enggau Perengka Pengangkut Tan Sri Datuk Amar Dr. James Jemut Masing.

Berebak enggau nya, mensia mayuh ke besemak diperansang bela sampal datai ngulu pekit final tu dikena mandangka penyiru sereta sukung ngagai pemansang jaku Iban.

BARU DATAI: Chairman pengatur program, Churcill (kanan) maya ngelaluka penatai raban pesereta kategori nembiak sekula ke nguji dipilih ngagai renggat final kemari.

SIRUKA JAKU IBAN: Entara raban pesereta ke bisi datai ngulu pengawa bepilih ngagai renggat final kemari.

NGANTI GINTIR: Raban pesereta benung nganti gintir diri mantaika pidato.

RIJESTA DITU: Raban komiti pengatur benung nganti penatai raban pesereta.

NGUJI: Seiku ari pesereta pekit benung mantaika jurai pidato.