Pengajar patut bekerejasama nyeridi nembiak sekula
Komitmen semua piak dalam nentuka pemanahka pemutus peresa perintah endang pekara ke diperansang
BETONG: Kaban Kunsil Nengeri ( ADUN) Layar, Gerald Rentap Jabu minta bala pengajar chakah agi begempung penemu nyeridi nembiak ngambika ulih nyapai juluk menua.
Ku iya nyemetak, komitmen semua piak nentuka juluk ngemanahka pemutus peresa perintah betambah endang pekara ke diperansang.
“Dikena nyapai penyulut, semua piak patut besaup penemu sereta bekerejasama nyapai juluk perintah ngemansangka bansa enggau menua seriris enggau peneras arus pemansang kemaya hari.
“Tanggungpengawa tu ukai semina dilempai ba pengajar aja, tang mega begunaka saup ari apai indai nyadi sukung ke pemadu beguna nyeridi bala anak enggau ulah ti badas kelimpah ngemeranka ajar pengarap,” ku iya.
Iya mansutka jaku tu rambau Pengerami Ngintu Hari Pengajar enggau Kunsi Raya Renggat Opis Pelajar Pelilih
Tanggungpengawa tu ukai semina dilempai ba pengajar aja, tang mega begunaka saup ari apai indai nyadi sukung ke pemadu beguna nyeridi bala anak enggau ulah ti badas kelimpah ngemeranka ajar pengarap. Gerald Rentap Jabu ADUN Layar
(PPD) Betong ti diatur di Balai Stephen Kalong Ningkan semak ditu, bedau lama.
Ku iya nambah, pupu bansa enggau jalai pengarap ti seati ngujungka tetiap program diperambu nyapai tuju ti dikedeka.
“Tu pengering kitai peranak Sarawak ti seruran gawa begulai ngetanka penyerakup dikemeran belama.
“Pemereti ati entara raban bansa dikemeran dikena ngenegapka tanggam kaul komuniti ditu,” ku iya.
Berebak enggau pengerami nya, Rentap mega ngemendarka belanja penyampau RM10,000 ungkup Wang Turu Pelajar Pelilih Betong sereta bela penyampau ngagai Wang Turu PSKPP Betong. Seraya agih belanja bela penyampau RM5,000 ngagai pengatur pengerami, Serakup Prinsipal Sekula Sekondari Sarawak Zon Betong enggau Komiti Kaunsil Kepala Pengajar (MGB).
Bemacham aktiviti mega bela diatur ngaul penyereta semua pengajar dalam PPD Betong. Sama bisi datai Mandal PPD Betong, Aleksey Aman, pengari Residen, SAO Akoi Ejau, pengari Pemesai Pe- lilih Betong, SAO James Luing, bala prinsipal, kepala pengajar, ketuai opis enggau komuniti ke bukai.