Karnival Sarawakiana ngenanka main asal
Karnival tu diatur berengkah 4 nyentuk 6 Ogos 2017 bepalan ba Pustaka Negeri S’wak
KUCHING:PustakaNengeri Sarawak bisi ngadu Karnival Sarawakiana 2017 berengkah 4 nyentuk 6 Ogos 2017 bepalan ba Pustaka Negeri Sarawak ditu.
Ba karnival nya, sekeda pengawa main asal bisi dipandangka ngagai temuai sereta mega bansal endur bejual produk ari asil pengelandik jari bisi dibuka.
Bejaku rambau Nutup Karnival Sarawakiana kemari, Sekretari Perintah Nengeri Tan Sri Datuk Amar Mohamad Morshidi Abdul Ghani madah karnival nyadi sebengkah chara ngintu sereta mandang adat enggau main asal pupu bansa di nengeri tu.
“Main asal Sarawak pa-
Main asal Sarawak patut diintu enggau manah ngambi tau nyadi pesaka asal nengeri. Tan Sri Datuk Amar Mohamad Morshidi Abdul Ghani Sekretari Perintah Nengeri Sarawak
tut diintu enggau manah ngambi tau nyadi pesaka asal nengeri.
“Karnival bulih pemaik ketegal ti nguna perengka guna ke disedia Pustaka Negeri Sarawak,” ku iya.
Teks jaku Morshidi dibacha ‘ Ahli Lembaga’ Pustaka Negeri Sarawak Dr. Abdul Rahman Deen ti datai ngarika iya.
Iya nambah, pustaka megai tanggungpengawa ngintu main asal nengeri ke dipeturun aki ni kitai.
“Pusataka nyadi palan ke pemadu engkeman endur ngumpul, ngintu enggau mansik main asal peranak nengeri tu,” ku iya nandu.
Ba karnival nya, licha ‘The Role and Significance of Pantun Iban’ bisi dibantaika Dr Robert Menua Saleh ari Tun Jugah Foundation.
Bela datai CEO Pustaka Negeri Rashidah Bolhasan.