Pansik ikas pengelandik nguna Jaku English chukup beguna
Asil pansik nya chukup beguna dikena nentuka kuing S’wak jemah: Manyin
SERIAN: Pansik sentang ikas pengelandik macha enggau nulis dalam English ke dipejalaika ba peranak Sarawak lalu disadang tembu ba ujung taun tu.
Menteri Pekara Pelajar, Sains enggau Pansik Teknologi Dato Sri Michael Manyin, madahka asil pansik nya chukup beguna dikena nentuka kuing Sarawak jemah.
“Kitai udah minta Universiti Swinburne bejalaika pansik. Ngarapka pansik nya ulih tembu ujung taun tu,’ku iya ba pengerami nutup Karnival English di SMK Taee bedau lama tu tadi.
Ba jaku iya, Manyin mega ngenanka pengeran Sarawak beratka English kenyau iya dichiri megai portfolio menteri kena 7 Mei.
Pemutus perintah nya ku iya, ukai ketegal deka ngemelakang Bahasa Malaysia ke nyadi jaku menua.
“Tu ukai pengawa deka ngemelakangka Bahasa Malaysia, tang dituku enggau tuju nentuka peranak Malaysia kelebih agi Sarawak ulih besemekih ba renggat dunya sereta digital ke alai English nyadi jaku antarabansa,”ku iya.
Ba karnival nya, Manyin ke mega ADUN Tebedu besemaya deka meri sukung ari sukut belanja ungkup karnival English ke dipasuk raban nembiak ari sekula primari enggau Sekondari ngelingi Pelilih Serian.
Ku iya, karnival meri awak ngagai nembiak sekula di menua pesisir ngansah pengelandik macha enggau nulis ba English.
“Pengawa tu meri awak ngagai nembiak ke datai ari sekula ti nguna medium Bahasa Malaysia ngembuan pengelandik ba jaku English,’ku iya.
Ba karnival nya, SMK Serian bulih gelar champion ungkup kategori sekula sekondari lalu sekula ari
Kitai udah minta Universiti Swinburne bejalaika pansik. Ngarapka pansik nya ulih tembu ujung taun tu. Dato Sri Michael Manyin Menteri Pekara Pelajar, Sains enggau Pansik Teknologi
kandang ngelingi Tebedu menang ba kategori sekula primari.
Bela datai Pemesai Opis Pelajar Pelilih Serian, Yunus Apok.