KGBS: Surat tesau bekaul isu berat beg nembiak patut diserenih baru
KUCHING: Atur pengawa Opis Menteri Pelajar (KPM) ke benung ngumpul penerang pasal bida pemerat beg nembiak Sekolah Kebangsaan (SK), Sekolah Jenis Kebangsaan Cina ( SJKC) enggau Sekolah Kebangsaan Tamil ( SJKT), ngayanka pemerat Opis Menteri ngagai isu nya.
Presiden Kesatuan Guru Bumi p u t e r a S a r awa k (KGBS), Ahmad Malie madahka, KGBS meri pengaga ati ngagai atur ke dipejalaika opis menteri nya ti ngayanka pemerat tauka pengibuh ngagai isu nya.
Taja pia KGBS ngasaika opis menteri nya patut meda sereta ngemanahka baru Pekeliling ti bekaul, ari ke ngumpul penarang pasal bida pemerat bes sekula nya.
“KGBS meri puji ngagai YB Menteri Pelajar pasal pengibuh enggau pemerat iya ngagai isu beg berat ke ditapi bala nembiak.
“Dalam isu tu, KGBS ngasaika enda ibuh agi KPM kiruh ngumpul penerang laban isu nya kebendar udah ulih diputarka enggau chara nyendiaka Jadual Waktu Anjal sebedau tu.
“Tang utai ke dikearapka KGBS iya nya ngarapka KPM nyerungkai baru Pekeliling ti bekaul sereta ngemeranka baru Pekeliling nya, tauka pansik baru pekeliling nya sekalika agi relevan tauka enda,” ku iya madah ngagai Utusan Borneo.
Malie meri penerang bekaul enggau di Putrajaya, KPM benung ngumpul penerang pasal bida berat bup ke dibai nembiak SK, SJKC enggat SJKT dikena napi isu nembiak ke ditating mayuh kerejasa,a sekula enggau beg sekula berat.
Menteri iya Datuk Seri Mahdzir Khalid madahka pegawai Jabatan Pendidikan Negeri (JPN) enggau Pejabat Pendidikan daerah ( PPD) udah berengkah bejalaika proses ngumpul data iya nya datai ngagai sekula di beberapa nengeri sebedau nganjung penerang penuh ngagai opis menteri.
KGBS meri perambu ngambika Pekeliling nya dikemanahka agi awakka ulih dipejalaika enggau lanchar sereta efektif.
“Nyema opis menteri agi neruska pengawa ngumpul penerang nya, reti iya nyau surut tauka pulai ke belakang baru.
“Tambah mega enti ke belakang tentu deka begunaka ungkus belanja ti tinggi agi , nya alai manah agi enti ungkus nya dikena bejalaika program KPM ke bukai.
“Nya alai KGBS bebendar amat minta KPM meda baru sereta mugar baru Pekeliling ke udah bisi dikena betapi sereta mutarka isu beg nembiak sekula berat,” ku iya.