Polis nengeri udah sedia napi PRU14
KUCHING: Polis nengeri diatu benung nyendiaka diri napi Pengawa Bepilih Besai Ke-14 (PRU14), pia ku komisionyer polis Datuk Amer Awal.
Ku iya, polis diatu benung beratika penyampau staf, aset penyambung enggau logistik ke mega sebagi ari nyendiaka diri ngambika enda bererumban datai ba maya nya ila.
Ku iya, ari perati sida napi pemar ari sukut belanja lalu polis nengeri deka ngiga be- lanja lebih ke tuju ngemanah sereta ngangkatka pemanah perengka guna nya.
“Batang pengawa aku iya nya nyendiaka raban aku,” ku lebuh ke bejaku ba aum pengarang berita ba Indu Opis Pelilih Kuching, kemari.
“Kami seruran besedia, kami semina nganti pemadah aja kemaya PRU nya diatur,” ku.
Berebak enggau nya, Amer mega madahka penyampau indeks pengawa salah ke dirikod di pelilih Kuching bisi nurun ngagai 20 kes tauka 14.18 peratus ba tujuh bulan keterubah taun tu dibanding enggau timpuh ke sama taun siti nyin tadi. Iay mega madahka penyampau kes pengawa jai di pelilih kuching bedau balat.
Nya alai, mayuh agi pengawa ngabs deka dipejalaika ba hotel bajet dikena nentuka nadai peng awa jai dipejalaika ba palan ke baka nya.
Bepelasarka pansik polis, raban ti ngereja pengawa jai suah agi ngereja pengawa jai bepalan ba hotel bajet,nguna palan nya endur beoperasyen sereta belalai.
“Raban ke ngereja pengawa jai tu milih hotel bajet dibanding enggau hotel ke tebilang laban suwa ke murah lalu ulih diau dia lama agi.
Ku Amer, pengempu hotel mega meri kerejasama ngagai polis ngambika ulih meresa hotel nya ari nyadi sarang ngereja pengawa jai.