Chara mutar penanggul PM, PG deka dipadah ngagai KM
Pansik nya udah mujur dipejalaika lalu iya deka mantaika nya ngagai kepala menteri sebarang maya, ku Uggah
KUCHING: Sarawak Centre of Performance Excellence ( SCOPE) ti bepalan ba Institute City Campus, ICC di Ringkat 1, Begunan Yayasan Sarawak ditu udah mujur dipenyadika Kepala Menteri, Datuk Amar Abang Johari Tun Openg, kemari.
Pengawa bejadi SCOPE nya dikemataka Speaker Kunsil Nengeri (DUN) Datuk Amar Mohd Asfia Awang Nasar kelimpah ari Ketuai Pemesai Eksekutif SCOPE Dr. Asleena Helmi enggau Kaban Kaunsil Direktor SCOPE Datu Dr Sabariah Putit, Datu Abu Bakar Marzuki enggau Azmi Bujang.
SCOPE Sdn Bhd iya nya entiti peribit ti nyendiaka latih ngagai sektor peribit enggau organisasyen sereta SCOPE nyendiaka ungkus ke engke- man enggau palan ke senipak endur orang dagang sereta organisasyen ngatur latih enggau program ‘one-off’ tauka ‘recurring basics’.
Nyerumba program tu kemari, pengawa nyain sempekat pemereti ati (MoU) entara SCOPE ti diarika chairman iya nya, Datuk Amar Mohamad Morshidi Abdul Ghani begulai enggau kaban kunsi strategik.
Kaban kunsi strategik SCOPE iya nya Sarawak Business Federation ke diarika Presiden federasyen nya, Datuk Abang Abdul Karim Tun Openg sereta Singapore-Combodia International Academy ti diarika Managing Direktor, Anselm Chu Jin Hwa.
Nambahka nya SCOPE mega nempa kerejasama sereta nyain MoU enggau Hay Group Sdn Bhd ke diarika Senior Principle iya Mohammah Iesa Morshidi enggau Rating Agency Malaysia ti diarika Group CEO & Executive Director iya Datuk Seri K. Govindan.
SCOPE enggau kaban kunsi strategik nya deka nempa kerejasama sereta ngemansangka modul program, besilih penemu ba akademik enggau industri ngambika ulih ngatur aktiviti begulai baka ngatur aum besai, seminar, worksyop enggau ke bukai.
Kerejasama nya mega meri peluang ngagai SCOPE ulih nguna pakar sereta pakar ari institusyen nya.
Sama bisi datai ngagai program nya kemari bala Menteri, Menteri Muda enggau bala Kaban Kunsil Nengeri. BELURU: Komiti Tanah Pemakai Menua enggau Pulau Galau (Komiti PMPG ) enda lama agi deka meri penerang ngagai Kepala Menteri, Datuk Amar Abang Johari Tun Openg sentang perambu politik dikena mutarka penanggul kededua kategori tanah (NCR) nya di Sarawak.
Sapit Kepala Menteri Datuk Amar Douglas Uggah Embas ke mega Menteri Betanam Betupi Moden enggau Ekonomi Menua Pesisir, madah munyi nya lebuh bejadi 'Program Talian Tani' ungkup sitak N 76 Marudi ba Balai Komuniti Beluru ditu.
“Aku deka meri penerang ngagai kepala menteri enda lama agi, ke alai tu mih singkang mansang ke mua, “ku iya seraya nadai nyemetak madah haribulan nya.
Engka orang ke ngempu tanah nya irau ke status tanah sida, tang iya minta sida nganti dulu.
Sama bisi ngulu pengerami nya, Menteri Muda Opis Kandang Menua ke mega Kaban Kunsil Nengeri Marudi Datu Dr Penguang Manggil, Menteri Muda Betanam Betupi Dr Abdul Rahman Ismail, Direktor Opis Betanam Betupi Nengeri, Datu Lai SKui Fong, Sapit Residen Miri Nyurak Keti, Pemesai Opis Betanam Betupi Bagi Menua Miri Jackson Nanta Ak Bernabas Baie enggau D.O Beluru, Mohd Rashdan Hazemi.
Uggah dichiri nyadi chairman komiti perintah tu ke ditumbuh ari baruh pinta kepala menteri, ngiga chara dikena mutarka penanggul ba kededua kategori tanah nya.
Entara kaban komiti iya nya pengari ari Opis Besai enggau Majlis Adat Istiadat, ti bejalaika pengawa mansik gaya pengidup, pengawa dikemeran, sejarah enggau peakra bukai ti bekaul enggau Pemakai Menua sereta Pulau Galau.
Douglas ba bulan Februari taun tu tadi madahka pansik nya udah mujur dipejalaika, lalu iya deka mantaika nya ngagai kepala menteri sebarang maya.
Uggah pun taun tu tadi madahka diri bisi betemu enggau Dr Charlie Dudang ke udah nerima respon ari Forum Tanah Adat Asal ke diatur kena 7 Januari.
Kena bulan Disember taun siti nyin tadi, Kort Besai udah mutuska pesaka asal pemakai menua enggau pulau galau nadai ditetap dalam undang- undang Sarawak.
Ari tiga ngagai siti pemutus, pemutus kort nya ngemendarka ngapil ngagai perintah nengeri lalu nyeliahka pemutus Kort Apil enggau Kort Tinggi ti ngakun tanah adat asal (NCR) ba pemakai menua enggau pulau galau.
Responden ba kes tu iya nyaTuai Rumah Sandah Tabau ari Rumah Sandah di Ulu Machan, Kanowit enggau lapan iku agi pengempu tanah NCR. Sida m adahka diri ngempu tanah ke ngembuan pemesai lebih 2,712 hektar ke dikumbai tanah pemakai menua.
Presiden Kort Apil, Tan Sri Md Raus Shariff ti nguluka tiga iku agi kaban panel mendingka apil nya, madahka undang- undang ngelama tu ngakun pesaka asal ti enda direjista,atur nengeri enggau pinta bukai ti digaga Rajah ke ditangkanka kaunsil undang-undang Sarawak ti enda diayan ke ngakun ‘adat’, ‘pemakai menoa’ enggau‘pulau galau’.
Taja pia, Uggah madahka diri deka mai pekara nya ngagai Kepala Menteri Datuk Patinggi Tan Sri Adenan Satem, tang ditangguh laban niang ke udah udah kena 11 Januari.
Orang ke nampung pengawa iya, Abang Johari udah nya besemaya deka nampung ng emujurka pekara nya.
Aku deka meri penerang ngagai kepala menteri enda lama agi, ke alai tu mih singkang mansang ke mua.