Raban atlit KKNS ti nyulut ba Pekit Lumba Kolej Komuniti Malaysia 2017, dirami
KUCHING: Kolej Komuniti Negeri Sarawak ( KKNS) ngerami pemujur empat atlit sida ba Pekit Lumba Kolej Komuniti Malaysia 2017 ti diatur berengkah ari 13 ngagai 15 Julai tu tadi, di Universiti Pendidikan Sultan Idris (UPSI), Tanjung Malim Perak.
Pelajar KK Kuching, Elesis Entira Jutin ngenulu rintai penerima insentif pengudah mujur teulihka dua emas ba 100 meter enggau’ lompat jauh’ indu.
Pemujur Elesis dalam acara 100 meter mega ngangkatka iya nyadi ‘Ratu Pecut’ pekit nya.
Bela nerima insentif, Awang Naharuddin Awang Bohari ti mujur bulih seiti emas (lompat kijang) enggau seiti pirak (lompat jauh).
Penerima ke bukai nyeng- kaum Stefanson Aelfric Matthew bulih dua pirak (lempar cakera, merejam lembing) enggau seiti engkeraju (lontar peluru) sereta Mohamad Nur Azrul Ali enggau seiti perak (jalai kaki 3000 meter) sereta seiti engkeraju (merejam lembing).
Pengawa nyuaka insentif diatur rambau Program Apresiasi Lumba Kolej Komuniti Sarawak 2017 di sebuah hotel ditu, diatur Kolej Komuniti Mas Gading (KKMG) lalu udah dipenyadika Kaban Kunsil Nengeri (ADUN) Tasik Biru, Dato Henry Harry Jinep kemari.
Ba jaku dipansutka iya, Henry muji pengawa KKMG ngenang pemanah pemujur bala atlit ti mujur dalam lumba sereta pengatur pengawa kolej nya.
“Pengawa tu nyadi per- ansang ngagai bala atlit ngambika terus mujur sereta nyulut agi dudi hari. “Nya alai, pengawa tu pa- tut dikemanahka agi dikena nyikap tim ti ngasuh kontijen bukai ngeri. Pengeliat ati sereta pengeran endang beguna dikena nyapai pemujur enggau penyulut nyentuk ke tikas nasional enggau antarabansa,” ku iya kemari.
Berindik ari nya, Henry ngansak sida ti gawa enggau bala pemesai lumba nyengkaum pengelicha ba semua renggat beratika prestasi atlit ba kolej sereta berundingka isu dikena ngemanahka agi pemujur sida dalam lumba.
Iya nyemetak madah, nengah pengawa ngelala penanggul dalam program pemansang lumba ba renggat kolej, pelilih enggau nengeri deka mantu matak mayuh agi kaul ari komuniti ngambika begulai nyukung industri lumba ari renggat ke baruh.
“Kitai patut nemu pemansang lumba menua diatu ukai agi tanggungpengawa perintah, orang ti gawa enggau orang ti ngereja enggau organisasyen nya empu tang lumba diatu diempu rayat tauka komuniti,” ku iya nandu.
Kelai sukung, Henry bisi ngemendarka pemeri ari kuchik iya empu RM2,000 ngagai tiga atlet Kolej Komuniti Nengeri Sarawak ti deka ngarika Kontinjen Kolej Komuniti (MASKOM) ngagai Pekit Lumba Institusyen Pelajar Malaysia (SIPMA) kena 1 ngagai 8 Oktober 2017 di Kuantan, Pahang.
Sida ti dipilih iya nya Awang Naharuddin Awang Bohari, Elesis Entira Jutin enggau Ridzuan Wawasto Zainin.
Sama bisi datai Direktor KK Mas Gading, Nordalila Abdul Rahman.