Semua piak patut ngemeratka kes ‘buli’ ti nyadi di sekula
Sida meseti bekerejasama dikena nentuka penyalah tu ulih ditagang
SIBU: Serakup Pengajar Bumiputera Sarawak (KGBS) ngelalau piak ti bekaul ngambika meri kerejasama dikena nyeliahka mayuh agi kes ‘buli’ di sekula.
Presiden KGBS Ahmad Malie madah pekara tu patut dikemerat dikena nyeliahka mayuh piak ti bechekih bekaul isu nya ke inginka penusah nya diputar enggau manah.
“Ambi ke banding, nyema sekula udah diberi pemerat mutarka penyalah ‘buli’, lalu Opis Pelajar Pelilih (PPD) sereta Opis Pelajar Nengeri (JPN) patut meri sukung ti tegut ngagai nama pan pemutus I digaga sekula.
“KGBS ngarapka nadai agi piak ti bekaul bechekih enggau pangan diri ti nyadi pengatur nagang pengawa tu terus nyadi. Kerejasam ti bansa tu endang patut dikena ngayanka ngagai mensia mayuh iya nya opis pelajar mega endang seruran beratika pekara.
“Nengah runding ti baka tu, tu ulih mantu sekeda piak nagang kes ‘buli’ dalam sekula enggau manah agi taja pan penyalah nya dikategorika kes ‘isolated’,” ku iya madah ngagai The Borneo Post lebuh
Ambi ke banding, nyema sekula udah diberi pemerat mutarka penyalah ‘buli’, lalu Opis Pelajar Pelilih (PPD) sereta Opis Pelajar Nengeri (JPN) patut meri sukung ti tegut ngagai nama pan pemutus I digaga sekula. Ahmad Malie Presiden KGBS
ke dirandau bedau lama.
Ahmad meri penerang nyukung jaku ti dipansutka Menteri Pelajar Datuk Seri Mahdzir Khalid bekaul kes ‘buli’ ti suah nyadi patut diputar piak sekula, Opis Pelajar Bagi Menua tauka Opis Pelajar Nengeri, lalu enda ibuh mai pekara tu ngagai tikas opis menteri.
Mahdzir Khalid madah nama utai ti patut dikemerat iya nya sekula, PPD enggau JPN patut begulai tegut enggau pangan diri, taja smpai tikas deka meri ukum ngagai nembiak.
“KGBS endang tetap meri sukung ti penuh ngagai atur ti diberi Opis Menteri Pelajar dikena nentuka kes ‘buli’ tu ulih diputar ba renggat sekula, PPD tauka JPN,” ku iya madah nyemetak.