HDC deka nyaman parti penyakal: Abdul Rauf
Ketegal mutar belit fakta Ripot Ketuai Audit Menua 2016 Siri 1 bekaul enggau projek ti dipejalaika HDC
KUCHING: Lembaga Pengarah Perbadanan Pembangunan Perumahan (HDC) Sarawak dipelabaka deka nyaman parti penyakal nengeri tu ti udah mutar belit fakta Ripot Ketuai Audit Menua 2016 Siri 1 bekaul enggau projek ke dipejalaika HDC.
Chairman HDC, Datuk Dr. Abang Abdul Rauf Abang Zen madah, aum bekaul mosyen deka nyaman nya dipelabaka deka dipejalaika ba minggu keterubah bulan September.
Menua 2016 Siri 1, bayar penuh sepenyampau RM2.88 juta ngagai dua kunteriktor dikena ngaga rumah ungkus murah, taja pia ari penyampau nya pengawa ngecat enggau ngemanahka baru 12 unit rumah pangsa di RPR Permyjaya enggau PPR Taman Dahlia ke udah angus sepenyampau RM11,969 enda dipejalaika.
“Tang penyakal mutar belit Ripot Ketuai Audit Menua 2016 Siri 1 nya ti madahka RM2.88 juta ke dibayar ngagai dua kuntrekitor dikena, ngechat enda dipejalaika.
“Aku deka mantaika mosyen ngagai Kaunsil Direktor ngambika ulih nyaman parti penyakal laban ti udah mutar belit fakta nya.
“Parti penyakal patut madah pekara ke amat,” ku iya melabaka nya parti penyakal nya ngaga penerang sereta ngenyaru runding rayat kelebih agi nyerumba pengawa bepilih besai ti deka diatur se- berang maya ari diatu.
Dr Abang Rauf nerangka pekara ke bendar nya dalam aum pengarang berita ba bilik aum HDC ditu, kemari.
Sebedau tu Chairman PKR Baru Bian kala meri penerang ti minta piak ke bekaul nyaut beberapa isu serius ari Ripot Ketuai Audit Menua nyengkaum HDC.
Baru ti mega Kaban Kunsil Nengeri Ba’kelalan madah, HDC dalam ripot nya udah mayar RM2.88 juta ngagai dua kunteriktor ti bejalaika pengawa ngechat tang enda dikereja.
“Kami (HDC) udah minta kunteriktor nya mulaika duit sepenyampau RM11,969 nya. Duit enggau tinda nya ari perintah besai lalu kami (HDC) semina bejalaika projek nya aja,” ku iya.
Berebak enggau tu iya madahka HDC deka meri kerejasama ngagai SPRM ke bejalaika pengawa mansik.
Lebuh ke ngenang dua pegawai HDC, iya ti ngarika HDC enggau opis menteri ngenukuka dua pegawai udah diperintah datai ngagai SPRM ngambika mantu tasat bekaul enggau sepenyampau RM11,969 ke dikena ngecat ba Projek PPR Permyjaya, Miri.
Iya madahka nya dikena ngayan sereta ngenegapka akauntabiliti sereta nadai bechiping senipak enggau ‘Aku Janji Integriti’ ke udah disain.
“HDC sehari tu ngenukuka dua pegawai udah diperintah datai ngagai opis SPRM lalu meri penerang.
“Perintah nya dikena mantu pengawa nasat bekaul enggau sepenyampau RM11,969 ke dikena bejalaika pengawa ngechat Projek PPR Permyjaya, Miri,” ku iya seraya madahka ngelama tu bedau deka meri sebarang penerang laban deka meri awak ngagai SPRM bejalaika pengawa.
Ketegal enda nembuka pengawa ngechat enggau ngemanahka 12 unit rumah pangsa di Miri pengudah dipinta mayar, ngujungka dua iku pegawai HDC Sarawak ditan SPRM, ensanus.
Bepelasarka penerang, ti sama ditan dalam operasyen urung pukul 12 ngagai 1.20 tengah hari iya nya seiku menijar ke dipilih bejalaika projek tinda ti dibuka ba bulan April 2015 nya.
Sama bisi dalam aum pengarang berita kemari Ketuai Pemesai Eksekutif HDC, Mohamad Asman Ahmad.
Aku deka mantaika mosyen ngagai Kaunsil Direktor ngambika ulih nyaman parti penyakal laban ti udah mutar belit fakta nya. Datuk Dr. Abang Abdul Rauf Abang Zen Chairman HDC