BDA begunaka saup peranak Bintulu nunda menua Singapura
BINTULU: Peranak Bintulu patut bekerejasama enggau Kaunsil Pemansang Bintulu (BDA) nempa mengeri Bintulu ukai semina beresi sereta manah tang ngaga iya nyadi sebengkah mengeri chunto baka menua Singapura.
Menijar Besai Kaunsil Pemansang Bintulu (BDA), Rodziah Morshidi madah, ba aku, nya timpuh ke chukup panjai nyapai juluk meda Bintulu baka Singapura.
“Aku rinduka Singapura, aku ngasaika baka enti kitai ulih diau ba mengeri baka Singapura. Enda ibuh bejalai jauh ke Sydney Australia tauka menua luar bukai tang chukup mih kitai ulih meda Singapura ke ngembuan begunan tinggi lalu maya bejalaika ba menua nya aku asaika ba taman, nadai meda uras,” ku iya rambau Program BDA Townhall ba Auditorium BDA Wisma Bintulu ensanus.
Nya alai, ku iya aku minta peranak Bintulu ngambika bekerejasama laban kitai begunaka pangan diri nempa Bintulu nyadi mengeri ke manah serera beresi.
“Nyema mengeri tu manah iya deka idup sereta nyadi peransang ngagai mayuh pekara,” ku iya seraya madah pengawa muai uras baka botol plastik begunaka timpuh 170 taun endur luluh lalu styrafoam urung 1,000 taun.
Nyerumba program ke diatur kitai sehari tu, ku iya chukup manah timbal, betukar penemu chara ngatur mengeri tu nyadi manah agi, nerangka ngagai mensia mayuh sentang perambu kitai, penyampau pelin perambu enggau pengawa ke dikereja kitai, belanja ke dikena enggau nama ke patut digaga ba mengeri Bintulu.
“Semua tu begunaka saup ari mensia mayuh dalam bejalaika pengawa nyengkaum semina bejalaika pengawa ngumpul uras,”ku iya.
Nya alai nengah penyereta urung 300 pesereta ba program tu iya ulih beratika isu- isu bekaul enggau pengawa muai uras enggau atur ke betul dalam ngatur pengawa ti ngaul mensia mayuh.
Laban ke nyadi piak bekuasa ku iya, sekalika rindu tauka enda nyingkang ke mua tetap dipejalai nengah saup mensia mayuh nempa mengeri ke manah sereta likun, nyema enda kitai sigi enda teulihka pemujur.
“Penekul besai iya nya ari sukut penatai belaja. Lebuh kitai ngaduka servis, BDA udah bebendar kenyau taun 2015, aku aku pechara menua Bintulu diatu lebih beresi, manah lalu kitai deka ngaga menua tu nyadi pemadu manah,” ku iya.
Dulu ari nya bisi sekeda pengelicha ke datai meri licha nengeri cheramah enggau
program nya ti dikenataika Kaban Bandaraya Kota Kinabalu Sabah, Majlis Bandaraya Miri enggau Sibu ti ngenang pasal sekeda program kimpin enggau pengatur mengeri sida.