Palan Matrikulasi keterubah di S’wak digaga taun baru

Palan Matrikulasi ke beungkus RM150 juta chukup beguna ungkup peranak Sarawak lalu lama udah dianti

KUCHING: Palan Matrikulasi Sarawak ti keterubah di Sematan, Lundu ke beungkus RM150 juta deka berengkah digaga ba taun 2018.

Menteri Pengeraja Asal enggau Rampa Menua Datuk Seri Dr Wan Junaidi Tuanku Jaafar madah, semua pekara ke bekaul enggau projek udah diserenih lalu disetuju kededua perintah nengeri enggau besai.

“Dulu agi ari tu palan endur nirika matrikulasi disetuju di Matang tang ketegal pinta ari niang Tok Nan, palan dipindah ngagai Sematan di Lundu.

“Kepala Menteri nadai penanggul sentang pekara tu ke alai aku mega udah berandau enggau Menteri Pelajar sentang pinta Adenan.

‘Menteri Pelajar mega nadai penanggul sentang pekara ke sama lalu agih belanja ungkup projek udah dikemendar,’ku iya.

Wan Junaidi mansutka jaku nya ba aum pengarang berita pengudah ngulu aum begulai enggau pemesai Opis Menteri Rampa Menua ditu, kemari.

Aum ti berandauka sentang projek ke bisi digaga di kandang Parlimen Santubong bela digulu raban pemesai ari opis perintah bukai.

Iya ke mega MP Santubong madah ba aum ke deka diatur kena 30 Ogos tu

Dulu agi ari tu palan endur nirika matrikulasi disetuju di Matang tang ketegal pinta ari niang Tok Nan, palan dipindah ngagai Sematan di Lundu. Dr Wan Junaidi Tuanku Jaafar Menteri Pengeraja Asal enggau Rampa Menua

ila, agih belanja ari Perintah Besai deka diungkup ngagai tanah ke udah dikemendar di Sematan.

“Menteri Pelajar pan bisi madah duit ba penyampau RM20 juta udah disedia ungkup kereja renggat keterubah projek ti mungkur pekara ke bekaul enggau tanah,’ku iya.

Palan Matrikulasi nya ku Wan Junaidi chukup beguna ungkup peranak Sarawak lalu lama udah dianti.

Aku pechaya palan tu ila ulih nangkup pinta peranak Sarawak, tandu iya.

Nitihka penerang iya, tanah perintah nengeri ke pemesai 60 nyentuk 100 ekar deka diambi ungkup projek tu.

Ngenang kaul bukai, Wan Junaidi madah Perintah Besai udah setuju ngaga Spital baru di Lundu.

Ku iya, taja pan diperambu digaga besemak enggau Sepital Bau, Opis Pengerai Nengeri nadai netapka setuju ke palan nya.

“Aku udah tetemuka tanah di Lundu endur nirika sepital nya lalu pekara tu udah dipesetuju kepala menteri,’ku iya.

MERI PENERANG : Wan Junaidi (tengah) bejaku ba aum pengarang berita di Kuching kemari.

BEJADI: Dr Annuar(empat kiba) ngemujur program anak iru XPDC Siswa Kenyalang 1.0 ke diatur di Genturung Pendiau Salak.