‘Dirgahayu Republik Indonesia ke-72’ disambut jelan iya pengerami
KUCHING: ‘ Dirgahayu Republik Indonesia ke-72’ disambut enggau umbas iya pengerami, ba luar Opis Konsulat Jeneral Republik Indonesia di Jalai Stutong ditu, ke digulu urung 300 iku rayat Indonesia ke gawa sereta besekula di nengeri tu.
Atur pengawa dipunka enggau nyadaka lagu menua nya, macha ikrar nyadi rayat Indonesia, pengawa nikika tambai mirah putih (lambang menira Indonesia), koir ari nembiak sekula Indonesia sereta pengawa bukai ke digaga dalam kandang dua jam.
Entara pemesai ke bisi enggau ngulu atur pen- gawa nya ensanus, pemesai ari Opis Konsul Jeneral Republik Indonesia ( Sarawak) empu, Ketuai Opis Tasat Pengawa Salah Sarawak ( JSJ) Datuk Dev Kumar, Konsulat Jeneral ari Opis Negara Brunei Darssalam ( Sarawak) enggau sekeda pemesai bukai.
Dalam teks jaku Presiden Perintah Republik Indonesia, Joko Widodo ke dibacha Konsul Jeneral Konsulat Republik Indonesia (Sarawak) Jahar Gultom, iya madah tujuh puluh dua taun Republik Indonesia udah nyapai merdeka, ketegal komitmen sereta pemagas semua rayat Indonesia, ke bela sama mantu Perintah Indonesia.
“Taja pia, kami nemu enda semua rayat Indonesia ngasaika asil merdeka. Kami mega nemu penguntung pemansang bedau digaga enggau naka iya di serata teluk pisuk menua tu. Kami mega nemu ‘social justice’ ke semua rayat Indonesia bedau ngemuaska ati,” ku Joko.
Manggai taun ketiga tu nyadi presiden menua nya, perintah betatika deka ngaga ekonomi ke sama rata ngagai semua rayat Indonesia.
“Kitai deka rayat Indonesia ke diau ba tebing pantai, di garis entara menua, di pulau, ba endur ke jauh ari pemansang, ulih ngasaika kitai bisi sebuah menua, ngasaika pemansang sereta temegah ati nyadi rayat menua tu,” ku iya.
Perintah Indonesia mega ukai semina deka bekerejasama enggau rayat ngangkatka ekonomi ke sama rata, tang dalam pemansang ideologi, politik, pengawa rama sereta adat pesaka.
“Kelimpah ari pemansang ideologi enggau politik, kitai anang enda ingatka pemansang pengawa rama sereta adat pesaka kitai. Kitai enda tau enda ngajar anak kita nyadi rebak ke nampung sejarah menua tu, ngembuan ulah ke manah, sereta tegap,” ku iya.