Sistem Tagang Long Lidong deka nerima sukung belanja ari perintah
Program ba menua Lawas dipejalaika bansa Lun Bawang tu patut ditunda ke pemaik ekonomi enggau industri dagang agro temuai
BA’ KELALAN: Sistem Tagang pengawa berikan komunal dikena nyaga enggau ngintu pemanah rampa menua Long Lidong nyadi dagang agro temuai ke alai perintah nengeri deka ngagihka mayuh agi belanja ungkup pemansang infrastruktur enggau ngemayuhka agi program ngelakuka pengawa nya.
Menteri Muda Betanam Betupi, Dr Abdul Rahman Ismail mansutka jaku tu rambau bejalai ngabas genturung pendiau Lun Bawang, urung 40 kilometer ari pasar Lawas, ke alai Sistem Tagang ti dipejalaika peranak menua nya kenyau ari 10 taun ke udah mujur ngenataika penguntung ari sungai ke endang ngundan mayuh ikan.
Ku iya, tu model pemadu manah di nengeri lalu endang patut ditunda endur bukai dikena ngintu aktiviti ekonomi ti matak penatai temuai ari menua tu empu enggau menua luar.
Diatu bisi 23 genturung pendiau di serata Sarawak ngaga sistem Tagang tang semina Long Lidong tampak agi laban udah mujur ngemansangka pesaka rampa asal ti nyelai, ti deka terus matak penatai temuai ari menua tu enggau menua luar dudi hari.
“Nengah promo tu, bala temuai deka rindu ngasaika penyelap kesuh angin, pengawa nupi ikan lalu meda mayuh ikan dalam sungai,” ku iya.
Ku Dr Rahman, perintah nengeri deka terus nentuka projek tu mujur sereta
Opis menteri enggau Opis Betanam Betupi deka ngungkupka belanja dikena ngemanahka infrastruktur ngambika sistem Tagang Long Lidong ulih dikelaku nyadi agro dagang temuai di nengeri, menua enggau menua luar. Dr Abdul Rahman Ismail Menteri Muda Betanam Betupi
terus bisi dipejalai di Long Lidong.
“Opis menteri enggau Opis Betanam Betupi deka ngungkupka belanja dikena ngemanahka infrastruktur ngambika sistem Tagang Long Lidong ulih dikelaku nyadi agro dagang temuai di nengeri, menua enggau menua luar,” ku iya.
Projek dipungkal dalam taun 2006 lebuh peranak, ari baruh kunsi pengawa enggau iring sereta sukung Bahagian Pengawa Berikan Darat, Opis Betanam Betupi Sarawak numbuhka sistem Tagang tu.
Tagang (dalam jaku Iban mai reti nagang tauka natak) tu belalauka sistem tagang ti mayuh digaga ba sepemanjai sungai di Sabah.
Nengah sistem tu, peranak ulih natak enggau matau penyuah pengawa berikan di sungai ti udah ditetap ngambika ditagang.
Ari baruh sistem Tagang Long Lidong, urung 2.4km Sungei Tengoa udah dibagi ngagai zon mansau, kuning, biru enggau gadung. Sebarang pengawa nginti tauka berikan di sepemanjai sungai meseti dulu agi minta pemendar ari komiti tagang.
Dr Rahman ngelalau peranak dia ngambika bejejimat lebuh bejalaika pengawa nyaga enggau matau piak ti nadai tanggungpengawa ke deka ngulihka ikan Semah ti berega.
Ku iya, sepemanjai Sungai Tengoa begunaka komuniti suah agi bejalaika pengawa matau kandang menua nya, kelebih agi di sungai mit, ke bisi ikan Semah.
Dr Rahman bisi ngemendarka agih belanja penyampau RM5,000 ari geran Projek Mit Pemansang Menua Pesisir (MRP) iya ungkup projek ngaga papan tanda Long Lidong ngambika genturung pendiau manah agi dipeda.
Menteri muda nya mega minta ngambi ngelakuka agi Long Lidong di media rama enggau arus perdana dikena ngangkatka Long Lidong nyadi palan agro dagang temuai.
Sama bisi datai Joseph Wee, ngarika Opis Menteri Betanam Betupi Moden, Tanah Adat enggau Pemansang Kandang Menua, Hajah Jamaiah binti Lohor, Penulung Ketuai Direktor Pengawa Berikan Darat Sarawak, Pemesai Betanam Betupi Bagi Menua Limbang, Zafaruddin Ali, Pemesai Betanam Betupi Pelilih Lawas, Doraup Bin Mail Punang, Ketuai Pengawa Berikan Darat Rolland Joannes sereta bala bukai.