Penguna ‘online banking’ dilalau bejejaga, ku ABM

KUCHING: Penguna servis bank ke suah bekenaka ‘ online banking’ dilalau suah agi ngubah ‘ passwords’ sida lalu anang muka tauka nekan ‘ mails’ tauka sambung ti bisi/ nadai sempulang.

Bala sida mega dilalau nentuka software anti- virus/ anti- malware dikemaru belama sereta ulih dikena.

Gerempung Bank di Malaysia ( ABM) kemari bisi ngeluarka penerang media ti betajuk ‘ Commercial banks view cybersecurity issues seriously’ berindik ari ripot media ti madahka sekeda website gerempung di menua tu udah dikeruga.

“ABM deka meri jamin ngagai penguna ke alai nadai pekara ngelanggar pengelikun ba kaban bank lalu penerang penguna enda dikachau.”

Ku ABM, industri bank komersial serius beratika pekara pengelikun siber lalu seruran bejejimat ba pengawa ngatur risiko ke sebaka.

“Pengawa matau ti patut deka majak dipejalai dikena nentuka pengawa nyaga pengelikun iya dipejalai nitihka atur ke pemadu manah ti bekaul pengawa meresa ti ngasi enggau makenisme nyebela enggau matau transaksyen ti setipak enggau jam.”

“Penguna servis bank dilalau ngaga ripot ngagai bank sida enggau jampat nyema sida bisi nyangka penerang diri udah dikeruga,” pia ku penerang ABM.

ABM ulih dilawa ba Ringkat 34, UBN Tower 10, Jalai P. Ramlee 50250 Kuala Lumpur tauka dikangau nengah lumur telefon + 60320788041 tauka + 60320788004 ( Faks).

Mensia mayuh diperansang ngaga kangau ngagai ABM Connect nengah lumur 1- 300- 889980 ke sebarang tanya tauka bantu.