Polis Sarawak deka ngatur kimpin penyedar bekaul enggau kes nipu
KAPIT: Lela Anak Sigi ngalahka 10 iku pemekit kepenudi ke bukai ngambi gelar champion pekit pemajik Pesta Kapit ti diatur nyerumba pengawa nutup Pesta Kapit di Padang Bilun Lama, Jalai Bukit Goram, kena lemai Hari Minggu.
Pekit taun tu berambaika jaku ‘ Rainforest’ ke alai pemekit ngena kreativiti enggau inovasyen sida nempa desain baju gaun diri belalauka rambai jaku nya.
Lela pulai mai perais mata duit RM1500, jumpang, selampai, trofi enggau hamper. Ba penuduk lumur dua, pengajar bansa Bidayuh, 27 taun, Eliana Jimuk seraya Adella Talu menggi penuduk lumur tiga. Seduai nerima perais mata duit RM1000 enggau RM800 disempulang trofi, selampai enggau hamper.
Lapan iku pemekit kepenudi ke bukai bela nerima perais sagu ati RM150 enggau hamper.
Komiti pengatur mega udah nyuaka perais ngagai pemekit ti menang Baju Gaun Pemadu Manah dipenggi Stephanie RendieAnak Reba. Miss Favourite/Popular ti belalauka poin pemadu tinggi nengah undi popularity ari mensia mayuh pulai ngagai Katerina Sambai. Seduai bela nerima perais mata duit RM300 enggau hamper.
Bini Residen Kapit Riti Anak Anchang, diberi basa ngerasukka jumpang ngagai champion Pesta Kapit sereta nyuaka perais ngagai pemenang pekit ke bukai.
Pekit pemajik gamal Pesta Kapit diatur Sarakup Indu Dayak Sarawak (SIDS) Kapit. Pekit tu nyadi batang pengerami Pesta Kapit ke diatur pengelama seminggu, berengkah ari 11 nyentuk 20 Ogos.
Sapit Kepala Menteri Sarawak, Tan Sri Datuk Amar Dr. James Jemut Masing udah dipebasa bejadika pengawa nutup Pesta Kapit – Pengawa Mandangka Dagang, Karnival Pengguna enggau Anugerah Carta Sapa Juara (ACSJ) IV 2017.
Sama bisi datai Kaban Parlimen (MP) Ulu Rajang Datuk Wilson Ugak Kumbong, Direktor Opis Menteri Dagang Dalam Menua, Koperasi enggau Orang Bebelika Barang (KPDNKK) Sarawak Dato Stanley Tan, Residen Kapit Joseph Belayong Punan sereta bala ke bukai. MIRI: Polis Sarawak dalam perambu deka ngatur kimpin meri penyedar bekaul enggau penyalah nipu, kelebih agi orang ti betelefon nipu mensia mayuh.
Kepala Polis Sarawak ti baru, Datuk Amer Awal, besemaya deka ngatur kimpin penyedar bekaul enggau pekara nya ke disengkaum dalam penyalah komersil, dalam bulan baru di Miri ti deka datai.
Iya mansutka pekara tu lebuhka berandau enggau bala kaban Gerempung Serakup China Sarawak Bagi Menua Miri, ditu, malam Hari Dua tadi.
Ku Amer madah, iya udah nerima perambu pasal kimpin nya ari Gerempung Serakup China Sarawak Bagi Menua Miri, ke alai minta polis ngatur kimpin penyedar bekaul enggau orang ti betelefon nipu mensia mayuh.
“Aku udah nerima perambu minta polis meri penerang ngagai mensia mayuh kelebih agi orang indu ngambika ngelala bakani gaya kangau telefon ti nipu.
“Bisi sekeda pemutar diperambu ari gerempung tu ngagai piak ti bekaul kelebih agi Opis Penyalah Komersial sereta Komiti Komunikasyen Enggau Multimedia Malaysia ( SKMM), ke alai kededua ejensi tu tau bekerejasama ngemunaska penyalah komersil nya,” ku iya.
Amer besemaya ngagai bala kaban gerempung ke bisi datai ngulu randau nya deka datai baru ba bulan baru lalu ngatur randau bejurai enggau silik agi pasal perambu nya.
Ku iya, randau tu beguna endar ngambika piak bekaul deka bisi penerang ti nyentuk pasal chara ngemunaska penyalah komersil enggau manah.
Kelimpah ari nya, perambu bekaul enggau pengawa ngemunaska penyalah nipu, ku Amer, gerempung nya mega merambu deka ngeletak ukum ti berat ngagai orang ti masung tauka pesalah seks di nengeri tu.
“Ba kes tu nyadi tanggungpengawa tauka ari baruh bidang kuasa Opis Luyar Menua.
“Pengudah kami nyuaka keretas pansik kami, majistret deka mendingka kes lalu ngaga pemutus bekaul enggau ukum ti patut. Kort ti deka mutuska nya,” ku iya nambah.
Sama bisi datai Presiden Hii Teck Yun, Sapit Presiden Datuk David Goh sereta Chairman Serakup Foochow Miri, Datuk James Ling Suk Kiong, Ketuai Polis Pelilih (KPD) Miri, ACP Lim Meng Seah enggau sapit iya, Superintenden Stanley Jonathan Ringgit.
Ba lansa ke bukai, Hii dalam jaku penerang iya malam ensanus, madahka gerempung nya ba renggat nengeri bisi tauka udah ngempung 460 bengkah serakup bansa China enggau penyampau kaban serakup China pemadu besai di nengeri tu.