JBPM, kelab radio amatur begulai ngemanah servis
Dikena opis bomba meri basa ngagai kelab radio ti udah mayuh mantu mutarka penusah ngenyit
KUCHING: Opis Bomba enggau Penyelamat Malaysia (JBPM) Sarawak nyadi opis bomba ti keterubah di Malaysia nyain sempekat pemereti ati (MoU) sereta bekerejasama enggau kelab radio amatur, dikena nyukung opis nya ngangkatka pengawa meri servis ngagai rayat di Sarawak.
Direktor JBPM Sarawak, Nor Hisham Mohammad madahka, nya sebengkah ari chara opis bomba ti ngarika perintah meri gelar sereta terima kasih ngagai kelab radio amatur ti sebedau tu enggau sukarela mantu sereta nyukung bomba kelebih agi maya penusah ngenyit nyadi baka ba menua adapka Utara Sarawak.
Beserimbai enggau nya, JBPM Sarawak kemari nyain MoU enggau Radio Emergency Dron Sarawak (REDS) bisi 60 iku kaban; Amateur Radio Club Sarawak ( ARCS)( 80 iku kaban) enggau Miri Radio Amateur Radio Club (MARC) bisi 70 iku kaban.
“Kelab tu amat siginifikan enggau penusah ngenyit di Sarawak, kitai selalu betapi enggau penanggul kelebih agi
Kelab tu amat siginifikan enggau penusah ngenyit di Sarawak, kitai selalu betapi enggau penanggul kelebih agi ba kandang menua ke jauh di ulu ke bisi penanggul penyambung maya deka ngambi penerang ke nyadi ba endur nya maya bisi penusah. Nor Hisham Mohammad Direktor JBPM Sarawak
ba kandang menua ke jauh di ulu ke bisi penanggul penyambung maya deka ngambi penerang ke nyadi ba endur nya maya bisi penusah.
“Nya alai pelasar MoU enggau tiga kelab tu, deka nyukung kitai (bomba) bejalai tauka nyambung kitai (enggau kandang endur penusah ke nyadi, ngambika bulih penerang),” ku iya.
Nor Hisham mansutka pekara nya dalam aum pengarang berita pengudah nyain MoU enggau empat entiti iya REDS, ARCS, MARCS enggau Opis Pengerai Nengeri Sarawak (JKNS), ke diatur ba sebuah hotel ditu, kemari.
Ku iya nambah, diatu jeman orang bekenaka dron, lalu piak bomba endang begunaka servis dron ti amat efektif ke ulih ngangkatka pemanah servis, ambika chunto enti bisi ngiga enggau nyelamat ba kandang endur bakau, maya ai surut enggau ke bukai.
“MoU tu ngemendarka kitai ngena kereban sereta pengelandik piak REDS nyendiaka dron, lalu berebak enggau tu bomba deka mantu ari segi logistik baka perengka pengangkut, endur diau sereta ungkus bekaul enggau dron,” ku iya.
Dulu ari nya Nor Hisham nyempulang Ketuai Direktor JBPM Datuk Wira Wan Mohd Nor Ibrahim nyuaka Pingat Kebesaran JBPM renggat nengeri Sarawak.
Bisi 22 iku penerima pingat, lalu ke dulu nerima iya nya Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit Datuk Fatimah Abdullah nerima Pingat Ketua Pen- garah Bomba iya nya pingat pemadu tinggi ba opis nya.
Nambahka nya bisi tiga pingat ke bukai iya nya Pingat Jasa Bomba, Pingat Setia Bomba enggau Pingat Cemerlang Bomba. Bisi dua iku ari media nerima Pingat Cemerlang Bomba iya nya Ketuai Pemberita RTM Sarawak Alice Wee enggau ari NST Sarawak Mohd Radzi Bujang.
“Tu keterubah piak bomba meri pingat ngagai mensia mayuh,” ku iya.
Sama bisi datai ngagai atur pengawa nya kemari, Penulung Ketuai Direktor Unit Operasyen Bomba enggau Penyelamat JBPM Edwin Galan Teruki enggau ke bukai.