Anang kelalu renjan jaku ngagai pengari rayat
Raban nembiak Dayak dilalau awakka anang kelalu mejah pengari rayat sitak parlimen ba media rama
JULAU: Raban nembiak Dayak dilalau anang kelalu bejaku renjan tauka mejah pengari rayat sida ba media rama ketegal didawa puntan mantaika isu ti berat mangka komuniti ba sitak parlimen nya.
“Pekara ke bendar, kitai mega sedar sereta siruka sida.
“Taja pia, nyangka kitai enda kala dipeda tauka didinga bebendar mantaika pekara nya tauka bejuraika iya, tang kitai agi ngansak sida.” ku Kaban Parlimen (MP) Julau Datuk Joseph Salang ditu, kemari.
“Kitai, pengari Barisan Nasional (BN), seruran ngatur aum nengali enggau menteri bekaul sereta Menteri Besai, ninting kali sebedau aum parlimen berengkah.
“Tetiap iku kami bisi mantaika isu ti berat tauka isu besai mangka sitak dipegai diri,” ku iya.
Salang mega madah, randau mega deka ngelansa pasal perambu sebarang rang undang-undang baru.
Iya mansutka jaku tu rambau bejaku ba Program Negaraku @ Komuniti di Opis Pemadah Malaysia ungkup sitak parlimen Julau di Rumah Banyang Jamu, Nanga Lijan, ditu kemari, diatur beserimbai ngintu Hari Kabangsaan.
Ku iya, nadai kebuah ti patut kitai mejal tauka ngemba sida.
Ku Salang, pekara ti enda ulih diterima sereta ngasuh asa ke alai raban nembiak madahka semua pengari rayat semina ulih meri tangki ai
Tetiap iku kami bisi mantaika isu ti berat tauka isu besai mangka sitak dipegai diri. Datuk Joseph Salang Kaban Parlimen Julau
enggau agu aja.
“Meseti dikeingat dalam runding diri, semua tu antara peminta ari rayat lalu iya beguna endar ngagai sida.
“Rayat kelebih agi sida ke datai ari mengeri enggau pasar sereta penyakal patut anang ngenggaika peminta tu laban tu endang beguna ngagai sida kelimpah ari projek bukai,” ku iya.
“Muntang endar ngagai sida ngemaluka kitai enggau perintah lebuh sida ngembuan tikas pengidup ti tinggi, ngasaika perengka guna enggau penyikap pemun ti menyana agi ti dibayar opis kandang menua sida ari penyampau bayar pupu ti dipinta.
“Bisi mega ulah rindu ngemesaika pengurang nya,” ku iya.
Nya alai, peranak menua pesisir ti agi patut nyukung kitai sereta perintah ke megai kuasa enggau ngelempaika pengandal deka bulih mayuh agi pemansang, ku iya.
Ngelansa pasal sitak dipegai iya, Julau, ku iya, taja mayuh udah dijapai, tang semua nya bedau chukup.
“Taja pia, tikas pengidup manah agi lalu rayat badu napi penyeranta.
“Kitai diatu bisi nerima mayuh projek jalai, bekal ai enggau kuasa karan ti udah dipejalai, ke alai urung 70 peratus udah kena bungkur selular,” ku iya.
Ba lansa bukai program Komuniti 1Malaysia (K1M) dipejalai Opis Pemadah, ku madahka nya nyadi pelasar manah ngagai bala rayat ngubah idup diri ngambika menyana agi enggau input ke diberi.
Berebak enggau atur program nya, Salang udah nyuaka geran Projek Mit Pemansang Menua Pesisir (MRP) sepenyampau RM877,500 ngagai 53 bengkah Komiti Pemansang enggau Pengelikun Genturung Pendiau (JKKK) sereta sekeda kelab.