Raban nembiak meseti regas ba pekara inovasi
Kitai deka nempa raban orang dagang ulih numbuhka dagang baru ti bepelasarka ekonomi digital
KUCHING: Kepala Menteri Datuk Amar Abang Johari Tun Openg ngelalau raban nembiak ngaul diri enggau regas ba pekara inovasi.
Iya pechaya raban nya ulih ulih nyaup ngangkatka Sarawak, iya nya ngalih ari chara ‘mechanisation’ 2.0 lalu nuju ‘Artificial Intelligence’ 4.0.
“Aku nemu peranak Sarawak mayuh pengelandik lalu sida ulih ngelaungka 3.0, iya nya microsoft enggau internet.
“Mayuh kitai Sarawak udah nempa pemujur ba menua
Datuk Amar Abang Johari Tun Openg Kepala Menteri Sarawak
luar baka ke di Singapura, Kanada enggau Australia. Sida enda diau di menua tu ketegal kitai nadai sistem nya di Kuching,”ku iya.
Abang Johari mansutka jaku nya rambau bejadi TEGAS Digital Innovation Hub(TDIH) di ICOM Square di Pending ditu, kemari.
Iya pechaya pengudah Sarawak nyingkang ba digital ekonomi, nengeri tu deka nempa mayuh agi raban orang dagang.
Nitihka penerang Abang Johari, hub ke sama deka mega ditumbuhka di Sibu, Sarikei, Bintulu enggau Miri.
“Ari nya, kitai ulih nempa raban orang dagang sereta numbuhka dagang baru ti deka ngubah ekonomi kitai nyadi ekonomi digital,”ku iya.
Berindik enggau nya iya madah nengeri tu meseti bisi modal mensia ti bepenau enggau bepengelandik.
Ketegal nya ku iya, Yayasan Sarawak diatu bisi nyendia skularsip ungkup bengkah pelajar baru baka ke Pengelikun Siber enggau bio-injinir ngambi ulih nempa raban orang ke landik.
Ba pengawa kemari, Abang Johari bisi ngemata atur besilih penerang(MoU) entara Tegas enggau kaling stratejik ke dipilih.
Bela datai Sekretari Perintah Nengeri Datuk Amar Mohd Morshidi Abdul Ghani, Menteri Pekara Pelajar, Sains enggau Pansik Teknologi Dato Sri Michael Manyin Jawong enggau Menteri Muda Kandang Mengeri, Tanah enggau Rampa Menua ke mega Chairman Tabung Ekonomi Gagasan Anak Bumiputera Sarawak(TEGAS) Datu Len Talif Salleh.