Kejampatka pansik silik Ubah ba Undang- Undang Tanah
Bisi 400 kes ti mungkur beribu ruang bilik bedau ulih diputarka ba kort ke bisi peluang bulih pemutus ke manah
KUCHING: Komiti khas Pemakai Menua enggau Pulau Galau dikearapka enda bechiping lebuh ngaga pemutus bekaul enggau ngaga ubah Kanun Tanah Sarawak.
Pengepun Raban Pemikir Dayak (DTTG), Wellie Henry Majang madah, berita deka ngubah Kanun Tanah Sarawak endang berita manah ngagai raban bansa Dayak Sararak.
Nitihku penerang pemadu baru DTTG, bisi 400 kes ti mungkur beribu ruang bilik bedau ulih diputarka ba kort ke bisi peluang deka bulih pemutus ke manah.
“Juluk kitai, rayat nengeri tu deka meda konsep Pemakai Menua enggau Pulau Galau dituku tauka diaku perintah nengeri nyadi nyata dalam timpuh ke pandak tu.
“Diatu udah serekat amat diasai bala bansa Dayak ti
Juluk kitai, rayat nengeri tu deka meda konsep Pemakai Menua enggau Pulau Galau dituku tauka diaku perintah nengeri nyadi nyata dalam timpuh ke pandak tu. Wellie Henry Majang Pengepun Raban Pemikir Dayak (DTTG)
bisi kaul enggau kes tanah adat Pemakai Menua tauka Pulau Galau.
“DTTG ngarapka komiti nya ti betuaika Sapit Kepala Menteri datuk Amar Douglas Uggah Embas enda ngena timpuh ti kelalu lama bejalaika pansik silik pasal pekara nya,” ku Wellie.
Ku iya, bansa Dayak udah alah bepuluh kes minta tanah adat nya ba bulan Julai tu tadi, lalu nya enda ngelantang tauka ngasaka ati raban bansa Dayak sereta ngandalka ati ngagai perintah ke nyaga pengelantang pupu bansa di nengeri tu.
DTTG ku Wellie, ngarapka Uggah ke nyadi ketuai komiti nya ulih mutarka isu nya sereta mantaika asil pansik silik ti dipejalaika.
“Kitai sebedau kala ninga ti madahka enda lama agi tang diatu udah lapan bulan lalu bedau nemu nama pemutus.
“Kitai ngarapka Uggah ulih ngenukuka penegap iya bekaul enggau isu mutarka pekara nya sereta ukai agi madahka pengudah bisi baum baru ke lalu ulih ngayanka komiti nadai udah bulih pemutus,” ku iya.