Kerejasama meri peluang manah ngagai ekonomi
Nengah kerejasama tu kompeni peribit nengeri tu enda ibuh meli ke menua China, tang ulih meli ditu aja
KUCHING: Kerejasama dagang ti ditempa kompeni peribit nengeri tu enggau menua tasik, meri peluang ti manah ngagai ekonomi nengeri tu.
Pekara nya dipadahka Sapit Kepala Menteri, Datuk Amar Awang Tengah Ali Hassan lebuh ke ngenang kerejasama entara sebengkah kompeni peribit ti diempu peranak menua tu enggau kompeni peribit ari menua China.
Kerejasama nya lebih agi bekaul enggau pengawa dagang, kompeni peribit ari China deka bekerejasama enggau sebengkah kompen peribit di Kuching ditu, ku iya.
“Linyi, China tu tebal agi bekaul enggau barang industri sereta lebih ngagai pengawa dagang burung. Lalu kompeni menua tu deka nempa kerejasama enggau sida. Tu dagang ngagai dagang.
“Aku ngasaika tu (kerejasama) bisi pemanah. Ambika chunto, sekeda barang dikena begaga (contruction material) sida meli ke menua China. Nya alai, nengah kerejasama tu, sida enda ibuh meli ke menua China, tang meli ditu aja,” ku iya Lebuh dikerandau raban pengarang berita ba opis iya di Wisma Sumber Alam, kemari.
Dulu ari nya, Awang Tengah ti mega Menteri Industri enggau Pemansang Orang Dagang nerima penemuai basa ari delegasi perdagangan Linyi, China ti diketuaika Direktor, Economic and Trade Development Bureau of
Linyi, China tu tebal agi bekaul enggau barang industri sereta lebih ngagai pengawa dagang burung. Lalu kompeni menua tu deka nempa kerejasama enggau sida. Tu dagang ngagai dagang. Datuk Amar Awang Tengah Ali Hassan Sapit Kepala Menteri Sarawak
Administrative Committee, Linyi Trade City, Zhuang Weiguo.
Tuju penemuai raban nya, deka ngerandang tauka ngiga peluang kerejasama entara Sarawak enggau Linyi, China dalam bidang pemansang industri enggau orang dagang di Sarawak.
Berebak enggau tu delegasi nya mendingka penerang pasal peluang sereta pemansang orang dagang mit enggau tengan pemesai di nengeri tu.
Nyerumba penemuai nya, Awang Tengah diberi basa ngemataka pengawa nyain sempekat kerejasama (MoU) entara China Linyi ti diarika Zhuang enggau Jung Kua Sdn Bhd ti diarika Direktor iya, Tay Chiew Hua.
Sama nyempulang Awang Tengah nerima penemuai basa delegasi nya kemari Menteri Muda Industri enggau Pemeranak Puku, Malcolm Mussen Lamoh enggau ke bukai.