Kejambatka perambu projek ngangkatmanah Jalai Padawan

SERIAN: Menteri Muda Pemansang Tanah Adat Datuk Roland Sagah Wee Inn dekaka perambu projek ngangkatmanah Jalai Padawan digaga enggau lengkas.

Ku iya, ba taun 2015 Menteri Besai Datuk Seri Najib Tun Razak bisi besemaya ngangkatkatmanah Jalai Padawan ngena belanja RM75 juta.

Jalai Padawan ba pemanjai 30km berengkah ari Tapah nyentuk ngagai Annah Rais nya dibungkur konstitusyen Tarat.

Sagah ke mega ADUN Tarat madah agi nyimpan surat rasmi ari Najib sentang pekara nya ke dianjung ngagai iya ba bulan Disember 2015, nyadika bukti.

Iya madah Najib udah ngemendar perambu projek nya nengah ‘Rolling Plan’ keterubah sereta patut berengkah digaga ba taun 2016.

“Tajapia, bisi sekeda orang enda ibuhka pekara tu lalu ngujungka projek enda digaga.

“Aku deka ngingatka Menteri Besai lalu minta iya beratika pekara tu enggau berat sereta digaga,’ku iya

Iya mansutka jaku nya ba pengawa nyuaka geran Projek Mit Menua Pesisir (MRP) ungkup konstitusyen Tarat di Balai Mensia Mayuh Tarat ditu, kemari.

Sagah madah pengibuh Menteri Besai chukup diguna ba sentang pekara nya ngambi projek enda ditangguh agi.

“Aku mega minta opis enggau pemesai ke bekaul enggau projek tu mungkal projek enggau lengkas.

“Enti ulih berengkah digaga ba ujung taun tu. Bedau laun ketegal ti bedau dikejakuka orang,”ku iya.