Pengajar baru patut ngajar lebih ari tiga taun di sekula baru: Jisin
Sida patut beratika diri meri servis ti pemadu engkeman ngagai komuniti
SIBU: Bala pengajar baru dilalau enda nganjung peminta pindah tumu ba kerja sida, Gerempung Pengajar Sarawak (STU) merambu sida patut bisi penetap runding tiga taun maya minta diri nyadi pengajar.
“Pengajar baru patut ngemeratka pengawa baka ni sida ulih gawaka bansa dulu.
“Deka nadai isu minta pindah. Integriti beguna endar laban ba pekara tu sida ulih mantaika komitmen diri enggau pengankunka pengawa sida enggau menua,” ku Presiden STU Jisin Nyud, madah kilah ensana.
Nya alai ku iya, pengawa baru patut ngengkahka pemerat sida ba pekara baka ni sida ulih gawaka bansa pengudah sida graduet.
“Semadi mih sida bisi penanggul ba pengerai ti begunaka pengajar nya semak enggau lutur tauka pakar, lalu pekara tu patut diperunding.
Iya nimbal senentang lalau dipansut Menteri Pelajar Datuk Seri Mahdzir Khalid bedau lama ke udah, ngagai bala pengajar baru anang nganjung peminta gawa be- semak enggau laki tauka bini sida sebedau dianjung gawa, ngansak sida ngambika bisi penetap runding tiga taun.
Mahdzir madah iya bisi nerima mayuh peminta ari bala pengajar ti betemu enggau iya empu di opis menteri tauka maya atur program ngambika dianjung gawa ngagai endur baru, taja sida baru gawa kurang ari tiga taun.
Mahdzir madah enggau silik ke alai opis menteri mega enda ulih nangkup peminta semua pengajar ti deka gawa ba menua diri empu.
Senentang isu pindah, Ji- sin madahka pemerat patut diberi ngagai bala pengajar ti udah ngajar lebih ari tiga taun tauka lama agi kelebih agi sida ti udah lama jauh ari laki tauka bini.
Ba lansa ke bukai, Gerempung Pengajar Bumiputera Sarawak (KGBS) bisi nangkan bala pengajar baru bekenaka isu kawin nyadi kebuah minta pindah gawa ngagai endur baru.
Presiden KGBS, Ahmad Malie madah, kebuah pia laban pengajar baru, sida meseti seruran nyediaka diri dianjung gawa ngagai menua ti begunaka servis sida. KUCHING: Semua Kaban Kunsil Nengeri (ADUN) di nengeri patut landik dalam Jaku English ( BI) dulu sebedau nyadi ‘ pengajar’ ngagai nembiak sekula ba sitak diri empu.
Chairman Parti Tindakan Demokratik (DAP) Sarawak Chong Chieng Jen madahka ADUN ukai semina ‘orang bukai’ tang mega orang ti nadai sangkut paut enggau Opis Menteri Pelajar Malaysia (KPM).
Nya alai ku iya atur Opis Menteri Pelajar, Sains enggau Pemansik teknologi (KPSPT) Sarawak ti minta semua 82 ADUN di Sarawak datai enggau program kreatif sereta manah dikena ngangkatka pengerindu nembiak sekula ba sitak diri empu ngambika landik dalam BI iya nya pekara ti enda ulih diterima.
“Opis Menteri nengah surat kenaka 31 Julai 2017, minta kami, ADUN mai program ti kreatif sereta manah dikena meransang nembiak ba sekula dalam sitak kami bejaku BI dalam kandang sekula seraya ke lalu ngangkatka pengelandik sida.
“Penemu kami (DAP) iya nya ADUN ukai pakar tauka bepengelandik dalam BI... Kami nguji deka ngemeranka pekara tu tang sebedau kami ulih mantu, ADUN nya empu patut dulu landik dalam BI enggau manah,” ku iya ba aum pengarang berita di indu opis DAP Sarawak ditu, kemari.
Berindik ari nya Chong ti mega ADUN Kota Sentosa meri perambu ngagai KPSPT ngambika semua ADUN di nengeri tu patut ngambi peresa ‘English Cambridge, Silibus 1119’.
“Aku minta opis menteri nya ngatur semua ADUN ngambi peresa keretas BI, 1119 English Cambridge, dikena nentuka semua ADUN ngembuan tikas pengelandik tauka penau BI ti manah sebedau ngembing sekula, meri peransang ngagai nembiak ngambika landik dalam jaku nya.
“Enti Dato Sri Michael manyin amat bebendar dalam pekara tu, iya patut ulih ngatur semua ADUN ngambi peresa 1119,” ku iya.
Nitihku iya lebuh ADUN enda chukup landik dalam BI lalu maya sida ke sekula enggau juluk meri peransang ngena BI, tang pemutus ari ke dikearapka.
“Tu semina perambu penemu ngagai Micheal manyin, dikearapka kitai chukup liberal meda semua ADUN ngambi peresa tu,” ku iya.
Bula Mei tu tadi, Manyin madahka semua 82 ADUN di Sarawak milih sekula perintah ba sitak sida empu ti ngena semina BI lebuh bejaku dalam kandang sekula.
Taja pia ku iya, sekula nya deka tetap ngena Jaku Melayu nyadi jaku rasmi di dalam kelas tauka maya sesi ngajar enggau belajar.
Nambahka nya iya madahka, pengawa nya dipunka ba dua buah sekula keterubah di Limbang, enggau juluk meri peransang ngagai nembiak lebih agi di menua pesisir ngangkatka pengelandik tauka penau dalam BI.
Pengajar baru patut ngemeratka pengawa baka ni sida ulih gawaka bansa dulu. Jisin Nyud Presiden STU