Mensia mayuh dilalau sama nyereta Pekit Nengkebang Logo DBOS
KUCHING: Mensia mayuh diperansang mantaika pengelandik sida enggau nyereta Pekit Nengkebang Logo Bank Pemansang Sarawak (DBOS).
Pekit tu diatur nitihka perambu Kepala Menteri, Datuk Amar Abang Johari Tun Openg nyerumba pengawa ngelanchar DBOS, nyadi program penyedar enggau ngaul mensia mayuh ba pengawa numbuh eng- gau ngayanka pengelandik peranak Sarawak ba pengawa ngaga logo bank pemansang keterubah ke diempu nengeri tu.
Nitih ku sebengkah penerang berita kemari, logo ke digaga tu meseti tulin ‘simplisitik’ enggau profesional sereta bisi leka jaku ‘DBOS’ enggau nama penuh ‘Development Bank of Sarawak’, lalu enda ulih ngembuan pekara ti tau dikumbai sensi- tif sereta tau ngasuh sebarang piak nyima.
Kelimpah ari nya, logo ke digaga tu meseti ngena chura ti mantaika pemanah gaya sereta meseti ngena grafik komputer dalam ‘soft-copy’ ke ngena format JPEG lalu resolusyen abis mit 1280X960 serta dianjung dalam pemesai A4 (ukur 21cm x 29.7 cm) nengah ‘on-line’.
Semua logo ti diterima Komiti Pengatur deka terus diempu perintah nengeri, lalu piak pengatur pengawa bisi hak ngubah sebarang bagi ba logo.
Tetiap penyereta meseti disempulang penerang bekaul logo enggau chura ti dikena.
Logo ke digaga nya meseti asil tengkebang chulin lalu nitihka pengelandik diri empu.
Penyereta nadai bebayar lalu ungkup semua peranak Sarawak ke beumur lebih ari 18 taun, lalu nadai tatak ngagai bala pesereta nganjung penyereta sida, tang semina seiti logo aja dipilih nyadi pemenang besai.
Pemenang deka nerima perais mata duit RM5,000 sereta setipikit penyereta. Lima pemenang sagu ati bela deka nerima perais mata duit RM1,000 besereta setipikit penyereta.
Pemutus deka dipadah nengah surat tauka telefon lalu pemutus panel akim enda ulih diubah lalu sebarang bantah enda diterima.
Pom penyereta tau diambi ba endur di atas tauka diambi ari website perintah Nengeri Sarawak.
Bala pesereta dipinta nganjung penyereta abis laun kena 29 September 2017 nengah email samuel. s@ sarawak. gov.my; joachipj@sarawak. gov.my; azirasm@sarawak. gov.my; jennyvee@sarawak. gov. my; rinom@ sarawak. gov.my enggau norazahm@ sarawak.gov.my.
Penyereta mega tau dianjung ngagai Urus Setia, Pertandingan Mencipta Logo Bank of Development Sarawak (DBOS), Unit Protokol dan Perhubungan Awam Negeri, Jabatan Ketua Menteri, Tingkat 8, Wisma Bapa Malaysia, 93502 Petra Jaya, Kuching.