Park City Mall Bintulu deka ngatur pekit nyura kena 16 Sept

BINTULU: Perais ti manah deka diberi ngagai tiap pesereta ti menang dalam pekit nyura enggau ngelukis ti diatur Park City Mall Bintulu kena 16 September tu ila.

Ba atur pengawa ti berengkah ari pukul 9.30 pagi nya deka dibagi ngagai tiga kategori iya nya Kategori A (nyura) ungkup umur baruh enam taun. Perais ungkup champion kategori tu iya nya mata duit RM100, ba penuduk lumur dua deka nerima mata duit RM80 lalu ba penuduk lumur tiga nerima mata duit RM50 lalu semua pemenang deka nerima trofi.

Ungkup Kategori B (nyura) iya nya ngagai nembiak baruh semilan taun, champion mega deka nerima mata duit RM100 enggau trofi, ba penuduk lumur dua nerima perais mata duit RM80 enggau trofi sereta penuduk lumur tiga deke nerima mata duit RM50 pia mega disempulang trofi.

Pia mega ba Kategori C (baruh 12 taun), champion deka nerima mata duit RM100 sereta disempulang trofi, penuduk lumur dua mega deka nerima mata duit sepenyam- pau RM80 sereta trofi enggau penuduk lumur tiga nerima mata duit RM50 sereta trofi.

Komiti pengatur mega ngelalau tetiap pesereta ti deka ngmbi bagi dalam pekit tu ngambika mai kereban kediri empu baka pinsil nyura, mija enggau bangku.

Ungkup sida ti deka ngambi bagi dalam pekit tu meseti nganjung pom peminta sebedau 10 September.

Tanya enggau penerang ti silik ulih terus betelefon enggau Jacklyn Wong ba lumur 016-980 6560 tauka Joy Sering (017-809 9524).