Program ‘Jelajah Pendidikan KPM’ deka diatur 16 - 17 Sept

KUCHING: Opis Menteri Pelajar Malaysia ( KPM) deka ngatur program ‘turun padang’ iya nya ‘ Jelajah Pendidikan Kementerian Pendidikan Malaysia’ (Jelajah Pendidikan KPM) kena 16 ngagai 17 September 2017 ba Plaza Merdeka, ditu.

Nengah penerang berita ari KPM kemari, ‘ Jelajah Pendidikan’ nya pelasar endur raban bansa bulih servis terus enggau bulih penerang pemadu baru pasal pekara pelajar.

Sarawak iya nya palan ke-9 pengudah ba Sungai Petani, Kedah; Kuala Terengganu, Terengganu; Ayer Keroh, Melaka; Selayang, Selangor; Johor Bahru, Johor; Seremban 2, Negeri Sembilan; Kota Bahru, Kelantan enggau Kota Kinabalu, Sabah.

Program ti ngena rambai jaku’Menerajui Perubahan’ deka datai ba 12 endur di serata menua, nyentuk ngagai bulan November taun tu.

Ba atur program nya ila deka mekuh ngagai penyulut pelajar enggau asil tauka empas ti diterima nembiak nengah Gelombang 1 Pelan pembangunan Pendidikan Malaysia ( PPPM) 20132025.

Program kerejasama enggau Opis pelajar Nengeri nya deka nyadi pelasar ti bisi empas ke manah ngagai raban bansa iya nya betanya mayuh pekara bekaul enggau pelajar sekalika ba renggat prasekula nyentuk renggat pelajar sekondari.

Raban ke dikearapka datai ngagai program tu nyengkaym pengajar, pemesai sekula sereta raban bansa, ti bepeluang bulih penerang pasal polisi ke dipejalaika KPM.

Ukai semina nya aja, nengah Jelajah Pendidikan KPM nya mega opis menteri deka ngambi penemu raban bansa pasal sistem pelajar nengah Transformasi Nasioanal 2050 (TN50).