Pekit Futsal U20 Trofi Hari M’sia 2017 deka diatur kena 16-17 September

SIBU: Mensia mayuh bela ditesau ngambi bagi ba Pekit Futsal U20 Trofi Har i Malays ia 2017 t i diatur kena 16 enggau 17 September tu.

Pekit tu diatur Kelab Rekreasyen, Lumba enggau Main Taman Rejang (KSRTR) ba Stadium Bukit Lima ti dibagi ngagai kategori indu enggau lelaki baruh 20 taun.

Chairan KSRTR Halel Mohd Ibrahim madah, naka ke diatu udah bisi 20 iti tim nganjung nama.

“Komiti kitai udah meri taka iya nya 32 iti tim Lelaki enggau 10 iti tim Indu ba pekit tu,” pia ku iya madah.

Nambahka nya, ku iya, tim futsal ari luar Sibu bela dikelaluka datai ngambi bagi ba pekit tu dikena ngerichahka agi pengerami Hari Malaysia di Sibu taun tu.

Sekeda tuju ari pekit tu diatur komiti KSRTR dikena nyungkak ulah patriotik raban nembiak seraya nyidi pengelandik sida ba main Futsal.

Perais champion ungkup kategori Lelaki iya nya mata duit RM1,000, trofi enggau midul lalu ba penuduk lumur dua mai perais mata duit RM700, trofi enggau midul.

Perais penuduk lumur tiga begulai iya nya RM300 enggau trofi.

Ba kategori Indu, gelar champion deka mai perais mata duit RM500, trofi enggau midul, lumur dua (RM400, trofi enggau midul) lalu lumur tiga begulai (RM200 enggau trofi).

Bayar ngambi bagi ba pekit tu iya nya RM180 (kategori Lelaki) enggau RM120 (katogori Indu).

Penerang ti silik enggau pom pekit tau diambi ba Opis KBSS di Stadium Tun Zaidi Sibu, TN Sport tauka betanya ngagai Halel nengah lumur 013-8117850.