Karim: Perintah seruran nyukung pengawa ngangkatka main asal
Diatu perintah merambu nyendiaka Palan Panggau Seni ba begunan lama DUN dipelaba bepun ujung taun tu
KUCHING: Perintah nengeri seruran nyukung pengawa ngemansang enggau ngangkatka pengawa seni enggau main asal Sarawak.
Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah berkata, kesenian dan kebudayaan sememangnya antara aspek yang diberi keutamaan agar ia terus hidup di negeri ini.
Ku iya nyemetak, Sarawak sebuah nengeri ke ngembuan kaya jaku, main asal, seni enggau sastera ke nyelai lalu patut dipandang nyadika hak dipenggi begulai.
“Mayuh pengawa seni main asal patut dipandang sereta dijaga awakka bisi dipeda raban nembiak rebak dudi nengah mayuh chara.
“Nya alai, pengawa ngatur Festival Teater Sarawak 2017 endang aktiviti manah dikena ngerembaika seni teater ba nengeri tu sereta dikena ngangkatka nama Sarawak ngagai tikas nasional nengah bidang seni enggau main asal,” ku iya.
Karim madah munyi nya rambau pengawa bejadika Festival Teater Sarawak 2017 ke bepun ensanus nyentuk 17 September tu ba Dewan Bahasa dan Pustaka (DBP), Petra Jaya ditu malam ensanus.
Kaban Kunsil Nengeri (ADUN) Asajaya nya madah perintah nengeri mega benung merambu nyendiaka Palan Panggau Seni ba begunan lama Kunsil Nengeri (DUN).
Ku iya, aktiviti ngaduka
Mayuh pengawa seni main asal patut dipandang sereta dijaga awakka bisi dipeda raban nembiak rebak dudi nengah mayuh chara. Datuk Abdul Karim Rahman Hamzah Menteri Dagang Temuai, Seni, Main Asal, Nembiak enggau Lumba
baru beguna lama DUN nya nyadi Palan Panggau Seni dipelaba deka berengkah ujung taun tu.
“Enti udah bisi panggau nya ila tentu deka muntang agi kitai nyendiaka perengka guna ti moden seraya dikena meransang pengerindu ngagai pengawa seni tauka teater tu,” ku iya.
Ngelansa pasal festival nya, iya madah tu ulih nyadi pelasar dikena nambahka penemu ngagai raban pengemeran teater Sarawak kelimpah ngangkatka pengawa seni main asal Sarawak awak terus dikerinduka mensia mayuh.
Berebak enggau nya, iya madah festival tu mega dikearap ulih nyendiaka pe- luang ngagai raban teater ba nengeri ngemanah agi kualiti pemerindang sida sereta ngemansangka pengawa teater menua tu lebih agi ngagai raban ke endang mayuh penau ba Sarawak.
“Kitai ngarapka festival tu ulih ngangkat sereta meri peransang ngagai mensia mayuh lebih agi ba sukut nempa pemanah ulah,” ku iya.
Sama bisi datai bini Karim, Datin Zuraini Abd Jabbar, Menteri Muda ba Opis Kepala Menteri (Pekara Korporat) Abdullah Saidol, Direktor DBP Sarawak Dr Hazami Jahari, Direktor Opis Seni enggau Main Asal Menua (JKKN) Sarawak Abdul Mutalib Abdul Rahman enggau temuai bukai.