Polisi ke udah ditempa Tun Taib deka terus ditampung
Pekara ti suah dikemerat sebedau tu iya nya pekara pelajar
KUCHING: Tusun Perintah Negeri maya ke diatu deka nampung polisi ke udah ditempa Tuai Pemegai Menua (TYT) Tun Pehin Sri Abdul Taib Mahmud.
Kitai udah ngadu pengawa dikena ngemansang pelajar TVET ngambi ulih nangkup pinta industri nengah chara numbuhka palan pematih teknikal enggau vokasional, nambah ke udah disedia Perintah Besai. Datuk Patinggi Abang Johari Tun Openg Kepala Menteri Sarawak
Kepala Menteri Datuk Patinggi Abang Johari Tun Openg madah pekara ti suah dkemerat ba tusun perintah Tun Taib iya nya pekara pelajar.
“Ba sentang pekara pelajar, perintah mereti dia semua ke udah ditusun enda ulih dijapai enti kitai enda ngemansangka modal mensia.
“Kitai udah ngadu pengawa dikena ngemansang pelajar TVET ngambi ulih nangkup pinta industri nengah chara numbuhka palan pematih teknikal enggau vokasional, nambah ke udah disedia Perintah Besai,” ku iya.
Iya mansutka jaku nya ba pengerami ngintu Hari Pengada Tuai Pemegai Menua(TYT)ke-81 ke diatur di Dataran Perayaan Stadium Negeri Sarawak Petra Jaya ditu, kemari.
Abang Johari nambah, ba pengeran nuju ekonomi hayu’ ungkup Tun Taib lalu ditangkanka enggau pengawa simbolik Hari Pengada ba panggau besai pengerami.
Bisi 81 kontinjen ngarika digital, Sarawak begunaka orang ti landik ba mayuh bengkah pekara.
“Ungkup tuju nya, aku udah ngasuh Yayasan Sarawak nyendia mayuh bengkah kus nengah ‘Tun Taib Education Bursary’.
“Kitai deka nempa raban orang ke landik ba mayuh bengkah pengawa nengah atur pansik enggau pemansang di Universiti, baikka nya ba dalam tauka luar nengeri,” ku iya.
Ku iya, Yayasan Sarawak diatu ulih nyendia lun enggau sekularship, ungkup pengawa pemansik ba renggat master sereta PhD. ijinsi perintah enggau ukai perintah ti betuaika Leftenan Kolonel Mohd Nizar Ishak udah nya ngemujur pengawa bejalai meri basa.
Kelimpah ari nya ku Abang Johari, Yayasan Sarawak diatu nyendia 23 bengkah kus ke bekaul enggau pekara pemansik.
Entara sekeda kus iya nya biochemistry, genetics, molecular biology, cloud computing, analisis data, data besai enggau telemetry, injinir software, microbiology, human computer interaction sereta sekeda ke bukai.
Bela datai ba pengerami kemari bini Tun Taib, Toh Puan Datuk Patinggi Raghad Kurdi Taib enggau Datin Amar Juma’ani Tun Tuanku Bujang (bini Abang Johari).
Bela datai tiga Sapit kepala Menteri, Tan Sri James Masing, Datuk Amar Douglas Uggah enggau Datuk Amar Awang Tengah Ali Hassan.