Pemutus nutup IPG Rajang deka ngujungka suntuk pengajar Jaku Iban

nengah penau diri nyadi MP ba sitak nya.

Dulu agi ari nya, 7 September, Anyi mega bisi nyuaka geran ngagai Tuai Rumah ( TR) Frederick Belaja Assam Paya Ulu, TR Budin Sandai Assam Paya Ili enggau TR Asam Mengong Assam Paya Sg. Pedada semak Marudi.

Peranak menua nya berasai lantang ati lebuh Anyi ngatur pejalai ngabas rumah panjai sida. SIBU: Pemutus deka nutup Institut Pematih Pengajar (IPG) Kampus Rajang deka ngemuntanka pengeransing nempa pengajar ti bepengelandik ba pelajar Jaku Iban.

Dayak Think-Tank Group ti betuaika Willie Henry Majang madah, semina IPG tu aja ba Malaysia ditu bisi program graduet Jaku Iban kenyau ari taun 2013.

“Kitai irau amat dini alai agi endur matih pengajar ti bepelandik ba pelajar Jaku Iban.

“Tu deka ngujungka kitai ditu suntuk pengajar Jaku Iban udah tu ila,” pia ku iya maya berandau enggau pengarang berita, kemari.

Ba surat berita empai lama, Kaban Parlimen Sarikei Andrew Wong Ling Biu madahka Menteri Opis Pelajar Datuk Seri Idris Jusoh ba aum parlimen sebedau tu madah IPG nya endang deka ditutup.

IPG tu antara semilan buah IPG ke bukai ti udah diputuska Kaunsil Menteri deka ditukar ngagai Politeknik ari baruh Opis Menteri Pelajar Tinggi.

Nambahka jaku iya, Willie madah, kelimpah ngemuntanka pengawa nempa pengajar landik ba pelajar Jaku Iban, pemutus nya mega bela mai empas ke enda manah ngagai juluk ati nengeri tu ti deka meda 90 peratus pengajar ba ditu endang peranak nengeri tu empu manggai taun 2018.

“Kitai meseti ingat IPG Kampus Rajang tu berengkah dikena kenyau ari taun 1967 menya sigi nyadi ‘ikon’ pelilih Meradong tiudah mayuh matih pengajar ari serata nengeri Sarawak.

“IPG tu endang beguna amat sereta besai reti bepun ari ba endur ti strategik sereta disikap enggau perengka guna ti chukup kelimpah staft ti ngembuan mayuh peneleba enggau pengelandik bejalaika tanggungpengawa diri,” ku iya madah baru.

Berindik ari nya, Willie ngarika DTTG minta perintah nengeri Sarawak berundingka chara ngambika IPG Kampus Rajang nya enda ditutup.

Menteri Pelajar, Sains enggau Pansik Teknologi Dato Sri Michael Manyin Jawong bisi madahka kelimpah IPG Kampus Rajang, IPG Miri antara semilan ari 27 IPG serata Malaysia deka ditutup.

Sarawak deka ngatur program ke diri empu ti nitihka industri dikena nyilih dua bengkah IPG nya.