Ayanka penyiru ngagai raban kurang benasit
Enda ulih diseliah dia bisi sekeda ari kitai ada ke dunya enggau mayuh bengkah penimpang
KUCHING: Komuniti ti ngembuan ulah siru ngagai orang kurang benasit chukup diguna, Ku Menteri Dagang Temuai, Seni, Main Asal, Nembiak enggau Lumba Datuk Abdul Rahman Karim Hamzah.
“Enda ulih diseliah dia bisi sekeda ari kitai ada ke dunya enggau mayuh bengkah penimpang.
“Sekeda nya napi pemar dalam pengidup baka nadai apai indai, ada ba ruang bilik ke seranta tauka bisi penimpang pendiau.
“Ketegal nya, kitai be- gunaka komuniti ti siru, deka mantu lalu mai tuchum ngagai mua sida ke kurang benasit,”ku iya.
Abdul Karim mansutka jaku nya rambau bejadi Paint The World Concert 3.0 2017 ke diatur di Dewan Suarah Kuching ditu, kemari.
Berindik enggau nya, iya muji program sehari nya ke diatur pengemun PTW Malaysia, Aziza Aznizan ke alai 200 iku nembiak timpang pendiau udah diperindang.
“Kitai meseti ngembuan bengkah komuniti ke baka tu di Sarawak, komuniti ti siruka orang kurang benasit.
“Sida pan bisi kebuah
Ketegal nya, kitai begunaka komuniti ti siru, deka mantu lalu mai tuchum ngagai mua sida ke kurang benasit. Datuk Abdul Rahman Karim Hamzah Menteri Dagang Temuai, Seni, Main Asal, Nembiak enggau Lumba
ngasaika pengelantang baka ke diasai orang bukai,”tandu Abdul Karim.
PTW Concert 3.0 2017 kemari bela dikerami urung 1,000 iku nembiak ke diau ngelingi Mengeri Kuching.
Pengawa belagu, tanda enggau main asal dipandangka ba atas panggau. Bela datai bini Abdul Karim, Datin Zuraini Abdul Jabbar.