Tujuh nembiak ari Kapit dipilih nyereta program Diploma DOSH

MARUDI: Sebuah rumah panjai raban bansa Kenyah di Baram Tengah, di tebing sungai dituntung penusah tanah tusur kena malam Hari Lima pengudah ujan bangat ti mangka bagi menua nya.

Nitih ku PKI Hashim Norshidi ti nguluka raban Bomba enggau Penyah Penusah ngesah palan penusah nyadi lemai kemari madah, Bomba nerima kangau ngenyit ari Tuai Rumah (KK) Catharina Madang urung pukul 9.00 pagi.

Raban Bomba datai urung pukul 9.55 pagi ngabas rumah panjai ti dipadah napi penusah tanah tusur, lalu ngenataika diri di Long Ikang urung pukul 12.30, ngena bot bomba napatka endur nya.

Nitih ku Hashim, rambau operasyen dipejalai, stor ba mua rumah panjai udah runtuh ditaban tanah tusur, nyadi urung pukul 1 ngagai 3 pagi.

Tim Bomba enggau Penyah Penusah semina ngambi penerang ripot PSPI sida lalu ngelalau peranak rumah panjai ngambika bejejaga sereta matau gaya tanah maya hari ujan, nentuka pengelikun sida.

Penyauh rumah panjai ari tebing sungai ti tusur bisi 80 kaki lalu raban nya mulaika diri ngagai opis urung pukul 2 lemai, datai di Opis Bomba Marudi urung pukul 5 lemai, kemari. KUCHING: Tujuh iku nembiak ari Baleh enggau Kapit ngerintis jalai ngasaika pengidup dudi hari tampak agi lebuh sida ngepunka singkang ngambi pelajar tikas diploma di baruh program khas pembinaan keupayaan Sarawak Energy.

Tuju program tu dikena nyikap raban komuniti di menua nya enggau penemu ti diguna ngambika sida ulih ngerebut pengawa puang enggau ekonomi ti diadaka ari pejalai Projek Hidroelektrik Baleh (HEP).

Tujuh iku sida tu nyadi raban keterubah ari tiga raban ti rejista diri ngambi kus tikas diploma dalam bidang pengelikun enggau pengerai pekereja pengelama 28 bulan di sebengkah institut latih di Miri lalu dipelaba deka nembuka pelajar ujung taun 2019.

Penulung Menijar Besai ba pekara Tanggungpengawa Rama Korporat (CSR) Sarawak Energy Jiwari Abdullah madah ngagai Bernama ditu, kemari, ke alai Sarawak Energy meri sukung ngagai 20 iku nembiak ngulu kus nya, seraya pengawa ngambi kedua enggau ketiga dipelaba dipejalai dalam pun taun baru.

Ku iya, nengah program nya, pemesai pengelikun enggau pengerai ke bisi juluk tinggi ngembuan awak ngulihka kelayakkan ti dikenuku di tikas menua tu enggau antarabansa sereta nyadi Pemesai Pengelikun enggau Pengerau ti rejista enggau Opis Pengelikun enggau Pengerai (DOSH). — Bernama