Perambu Pemansang Sibu 1 dipuji peranak rumah panjai

SIBU: Tim ti ngerembaika Perambu Pemansang Sibu 1 (RS1) nandu pengawa sida bejalai niki rumah panjai ba Salim Belalang, Nanga Salim enggau Bukit Penyau, kilah ensana.

Tebal agi peranak rumah panjai ke udah betemu enggau sida madahka jaku puji ngagai perambu RS1 nya.

Bisi mega sida ngarapka sapa-sapa ke nyadi pengari rayat tau bechuntoka pengawa ke digaga Parti Rayat Bersatu (UPP) tu nengah RS1 nya.

Kebuah pia ku iya, perambu ke digaga nya chukup manah sereta engkeman kelimpah tampak mandangka visi ari chalun UPP bekaul enggau program pemansang ke deka digaga.

Bala tuai rumah ba menua nya mega minta chalun ulih menang ke deka disabung bediri ba Parlimen Lanang Andrew Ting nandu pengeransing gawa ke rayat baka diatu lalu sida enda belampung ati nyukung iya ti ngarika Barisan Nasional maya Pengawa Bepilih Besai Ke-14 (PRU14) ke deka datai tu.