Industri penerebai di Malaysia majak ngerembai
KUCHING: Industri penerebai di Malaysia sedia betapi enggau pemansang ti nadai sekat dalam trafik orang tambang, ba taun 2017.
Nitihku Ketuai Pemesai Operasyen Malaysian Aviation Commission ( MAVCOM), Azmir Zain madahka bepelasarka ripot industri keterubah (2010-2016) MAVCOM pemans ang trafik orang tambang dalam taun 2017 dipelabaka majak nambah tauka ngelui ari penyampau penumbuh dalam taun 2016, udah bekau puku rata tambang terus kusut kenyau ari taun 2010.
“Bepelasarka ripot, nyengkaum pelaba MAVCOM bekaul enggau penumbuh trafik orang tambang dalam taun 2017 iya nya entara 7.8 peratus enggau 8.8 peratus tauka dipelabaka entara 98.3 juta enggau 99.2 juta orang tambang.
“Ripot MAVCOM, Malaysia iya nya makit penerebai ketiga pemadu besai di ASEAN bepelasarka trafik orang tambang, udah ngayanka penyulut penerebai ti nambah ari 107 ba taun 2010 ngagai 116 ba taun 2016 bekaul enggau palan antarabansa, ti diberi padang bilun di Malaysia,” ku iya madah ngagai raban media ti nangkanka nya nangkanka Thailand enggau Indonesia
Iya mansutka pekara nya lebuh ke meri licha bekaul enggau MAVCOM ke diatur ba sebuah hotel ditu, kemari.
MAVCOM ditumbuhka kena 1 Mac 2016 di baruh Akta Suruhanjaya Penerbangan Malaysia 2015 ke nyadi seiti ‘ entiti bebas’ ti megai tanggungpengawa ngemata enggau nyaga pekara ekonomi enggau komersial indutri penerebai mensia mayuh di Malaysia.
Juluk MAVCOM iya nya deka nyadika industri penerebai mensia mayuh di Malaysia ulih maju ari sukut komersial, bepelasarka penguna enggau besemekih ngambika ulih nyukung penumbuh ekonomi Ma- laysia.
Berebak enggau tu lebuh ke ngenang pasal penerebai nengeri tu iya madahka Sarawak udah meri 10.9 peratus ngagai Malaysia ba penyampau trafik orang tambang ba taun 2016.
“Trafik orang tambang Kuching meri 50.8 peratus penyampau orang tambang ke Sarawak dalam taun 2016.
“Penyampau trafik orang tambang nambah 5.3 peratus CAGR dalam timpuh 2007 - 2016 ungkup Sarawak dibandingka 7.8 peratus ungkup Malaysia,” ku iya.
Kelimpah ari nya lebuh ke ngenang pasal sebana ke diterima MAVCOM iya madahka lebih 2,000 iku penguna tauka orang tambang mantaika sebana naka ujung bulan 2016, lalu urung dalam 95 peratus mujur diputarka baru.
“Sebana ke pemadu mayuh diterima iya bekaul enggau ‘ mulaika’ lalu ditangkan chara ngaduka bagasi ti enda ngemuaska ati, penerebai laun, penerbai dikinsil enggau ‘online booking’.
“Penyampau sebana ke diterima ari Sarawak iya nya bisi 238 iti,” ku iya.