Pekit belagu pupu bansa S&S Cafeteria ngangkat Dirzaidi nyadi champion
KUCHING: Bisi 46 iku pemekit ari mayuh bengkah pupu bansa udah masuk ba Pekit Belagu beserimbai enggau penumbuh taun kedua S&S Cafeteria ti diatur kena malam Hari Lima minggu nyin tadi.
Ba pekita nya, bala pemekit dikemendar nyadaka lagu ari jaku bukai baka Bahasa Melayu,English,Iban enggau Bidayuh ti mandangka pekit nya nyerakup pupu bansa.
Dirzaidi mujur dipilih nyadi champion sereta nerima perais mata duit RM500 enggau trofi. Roxanne Lee enggau Salmiah Nawi ba lumur dua enggau tiga sereta mai pulai perais mata duit RM300 enggau RM200 sereta trofi.
“Pekit belagu pupu bansa malam nya diperindang enggau sada nyawak per- anak Sarawak ti chukup m anah taja pan semina diatur beserimbai enggau ngerami penumbuh S&S Cafeteria ti kedua. Tuju pekit tu endang dikena ngelaku penyerakup bansa,” ku Isa Lee ke nyadi ketuai akim ensanus.
Deejay Diana Anne Sylvester enggau penanyi Sakura Diana Dawi sama bisi nyadi akim lalu rekoding artis Iban Farid Spencer nyadi emcee pengerami nya.
“Kami meransang orang ti rindu belagu nyereta sebarang pekit belagu ke bisi diatur dikena nambahka peneleba enggau pengelandik sida. Nengah nya mega sama – sama kitai beperindang nengah musik enggau lagu. Kitai semua patut ngelakuka penyerakup bansa nengah atur pengawa ke baka tu,” ku pengatur pekit Roland Sim.